Astanada QR Investısıa jáne damý mınıstrliginiń "Kásibı áskerılendirilgen avarıalyq-qutqarý qyzmeti" RMK bas dırektory B.Sh.Halyq 70 myń dollar kóleminde para alý sátinde ustaldy, – dep habarlaıdy Tengrinews.kz QR Memlekettik qyzmet jáne sybaılas jemqorlyqqa qarsy is-qımyl isteri jónindegi agenttiktiń bas konsýltanty Nurlan Jahınge silteme jasap. 

«Kúdikti atqarylǵan jumystar aktisine qol qoıyp bergeni úshin merdiger uıymdardan júıeli túrde para alý boıynsha qylmystyq jospar qurǵan. Sonymen qatar, B.Sh.Halyq RMK-niń qarajatyn iri kólemde jymqyrdy degen kúdikke ilinip otyr. Ol bul isin bas esepshi K.T.Medebaevamen jáne kásiporynnyń Atyraýdaǵy fılıalynyń jetekshisi T.Ý.Mahmýtovpen birge jasaǵan» delingen habarlamada.

Kúdiktiniń úıin tintý kezinde 300 myń AQSH dollary men 6 mıllıon teńge tárkilengeni aıtylady. Kúdiktiler ustalyp, ýaqytsha ustaý ızolátoryna qamaldy. Sotqa deıingi tergeý júrip jatyr.

https://www.youtube.com/watch?v=xin8Ns3AQc0