– 2 shilde kúni – Muhtar aǵamyzdyń týǵan kúni. Jylda redaksıa qyzmetkerleri aǵamyzdyń týǵan kúnin atap ótip, shaı ishetinimiz bar. Bıyl da sol dástúr boıynsha dastarhan basyna jınalǵanbyz. Biraq Muqańnyń mazasy bolmaı otyrdy. Ákimdikten de quttyqtaý kelgen bolatyn. Olarǵa da kóńil aýanyn bildire qoımaı, jalpy mazasyz otyrdy. Jeńgemiz de eki kúnnen beri osy kúıde júrgenin aıtty. Aýyryp otyrǵanyn bildik. Biraq jaı tumaý dep oılaǵanbyz, – degen Qudıar Bilál sol kúni keshkisin jedel járdem shaqyrylǵanyn aıtady.
Aýrýhanaǵa jetkizilgennen keıin dárigerler Muhtar Shahanovtyń ókpesiniń qabynǵanyn anyqtaǵan. Sóıtip «Qalqamandaǵy» aýrýhanaǵa alyp ketti. Bizde ishke kirgizbedi. Habarlasyp turdyq. Biraq emdeý prosesine kóńili tolmaıtynyn ańǵartyp, aýrýhanadan shyǵamyn dep mazasyzdyq bildire bastady.
Jalpy Muqań minezdi adam ǵoı. Tike aıtady. Dese de dárigerlermen sóılesip, onyń aýrýhanadan shyǵýyna múmkindik bermedik. Biraq kúnder óte kele Muqańnyń daýysy báseńdep, emdeýshi dárigerler onyń tamaq ishpeıtinin aıtty.
Kóńiline jaqpaǵan bir nárse boldy ma, joq basqa ma – áıteý emdeý oń nátıje bergen joq. «Shyǵaryńdar» degendi aıta beredi. Osy jaǵdaıǵa baılanysty memlekettik turǵyda qamqorlyqqa alý týraly Prezıdentke ashyq hat jazdym, – deıdi ol.
Qudıar Bilál sol hattan Prezıdent qulaǵdar boldy dep oılaıtynyn jetkizdi. «Sodan aǵamyz aýrýhanadan óz betinshe shyǵyp ketti. Bizge aıtylmaıdy ǵoı. Eki kún úıde emdelgennen keıin joǵary deńgeıdegi qamqorlyqqa alynyp, Muqańdy ınfeksıalyq aýrýhanaǵa alyp ketti. Sol jaqta em qabyldaı bastady.
Habarlassaq ázildep «kúnine elý ýkol salady» deıdi. Em qalypty júrip jatyr dep, kóńili ornyqqan sekildi. Sol jerge barǵannan keıin birden beti beri qaraı bastady.
Baryp syrttaı tildesip júrdik. Qasyndaǵy kisilermen de, dárigerlermen de sóılesip turdyq. Tártip qatań eken. Dárigerlerdiń kıim kıisi, tártip, emdeý sharalaryn bárin syrttaı baqylap, ondaǵy jumystar memlekettik turǵyda jasalǵan úlken is-shara ekenin sezinesiń. Kóresiń. Úlken jumys jasalyp jatqanyn uǵasyń. Ol jerdegi qamqorlyqtyń da, múmkindiktiń de joǵary ekenin bildik, – deıdi Qudıar Bilál.
Qudıar Bilál aýrýhanada jatqan basqa da adamdardyń tereze arqyly tildesip, jaǵdaıyn surapty. «Bári de rızashylyǵyn bildirip, qýanyp, shyǵamyz dep jatty. Barǵannan keıin jýrnalıs bolǵannan keıin bilip qalaıyn dep jatyrmyn ǵoı baıaǵy. Muqań da sol qamqorlyqtyń arqasynda aman-esen úıine oraldy. Qazir aǵamyzǵa «jata beresiz be, jumysqa qashan shyǵasyz» dep ázildeımiz. Ázirshe úıinde em qabyldap jatyr. Dúısenbide redaksıaǵa bir kelip ketedi», – dep túıdi Qudıar Bilál.
