Kaspi.kz Culper Research jarıalaǵan zertteý esebine túsinikteme berdi, - dep habarlaıdy Dalanews.kz.
Mıhaıl Lomtadze, Kaspi.kz kompanıasynyń basshysy jáne negizin qalaýshylardyń biri:
«Bul – alypsatarlardyń jasaǵan shabýyly, onyń maqsaty — qysqa merzimdi saýdagerlerdiń jyldam paıda tabýyn qamtamasyz etý. Esep shyndyqqa janaspaıdy, qate aqparat berip, ınvestorlardy shatastyrý úshin ádeıi jasalǵan. Biz aksıalary 2020 jyldan bastap London qor bırjasynda satylǵan jáne jaqynda NASDAQ-ta satyla bastaǵan, retteletin, ashyq kompanıamyz. Retteýshi qoıǵan talaptarǵa sáıkes únemi aqparatty ashyq jarıalaımyz. NASDAQ-taǵy sońǵy IPO barysynda keń aýqymdy quqyqtyq tekserýden óttik. Óz ónimderimizge, eseptiligimizge, sáıkestik baǵdarlamalaryna jáne baqylaý quraldaryna senimdimiz. Ádettegideı uzaqmerzimdi strategıamyzǵa nazar aýdaramyz».
Kaspi.kz týraly
Kaspi.kz-tiń mısıasy – súıikti klıentterimiz ben seriktesterimizdiń ómirin jaqsartatyn ınovasıalyq ónimder men qyzmetterdi jasaý. Inovasıalardyń ortasynda elimizdegi eń tanymal Kaspi.kz mobıldi sýperqosymshasy tur, ony 14 mıllıonnan astam qazaqstandyq paıdalanady. Qosymsha elimizdegi jetekshi elektrondy saýda, tólem jáne qarjylyq qyzmetterdi qamtıdy.
Kaspi.kz sýperqosymshasy arqyly qazaqstandyqtar tegin jetkizý arqyly tıimdi onlaın zat satyp alady, komısıasyz tólemder men aýdarymdar jasaıdy, jeke qarajattaryn basqaryp, ushaq jáne poıyz bıletterin, týrlar satyp alady jáne eń tanymal memlekettik qyzmetterdi paıdalanady.
Kaspi.kz bıznes úshin Kaspi Pay sýperqosymshasyn da jasady, ony Qazaqstandaǵy 700 myńǵa jýyq kásipker paıdalanady. Kaspi Pay arqyly kásipkerler bıznesin damytýǵa qarjy alyp, tólem qabyldaıdy, jarnamalyq kampanıalardy iske qosady, salyq tóleıdi, elektrondy komersıa platformasyna jáne jetkizý qyzmetine qosylady, onyń kómegimen taýarlaryn búkil el aýmaǵynda satady.
