Sharýashylyqtar birikpei, is bitpeidi
Atalǵan baǵdarlama boiynsha oblysta búgingi kúnge sút qabyldaý pýnkti 100 paiyzǵa, mal bordaqylaý alańy 140 paiyzǵa, 70 otbasylyq sút-taýarly fermasy 246 paiyzǵa, 13 aýyl sharýashylyǵy kooperativin qurý jospary 123 paiyzǵa oryndaldy. Bul týraly oblys ákimi K. Kókirekbaevtyń tóraǵalyǵymen ótken apparattyq keńeste aýyl sharýashylyǵy basqarmasynyń basshysy Nurjan Nurjigitov aityp ótti.
Jalpy, aýyl sharýashylyǵy qurylymdary arasynda aýyl sharýashylyǵy kooperativterin qurýdy nátijeli uiymdastyrý maqsatynda túsindirý, aqparattandyrý jumystaryn júrgizýge oblystyq biýdjetten 7 mln. 540,0 myń teńge bólinipti. Bólingen qarjy esebinen byltyr aýdandarda sharýashylyqtardyń qatysýymen 44 seminar-keńester ótkizilip, 1000-ǵa jýyq arnaiy ázirlengen kitapshalar men býkletter taratylǵan. Nátijesinde 2016 jyly oblysta 50 aýyl sharýashylyǵy kooperativi qurylǵan. Onyń ishinde jańadan 27 aýyl sharýashylyǵy kooperativti jańadan jumysyn bastasa, 23 aýyl sharýashylyǵy kooperativteri qaita tirkeýden ótken. Sonymen qatar, ótken jyly oblysta sút klasteri boiynsha 2 aýyl sharýashylyǵy óndiristik kooperativi qurylyp, quramyna 62 sharýashylyq birikti. Sondai-aq, egin sharýashylyǵy baǵytynda 36 kooperativtiń quramyna 631 sharýashylyq birikse, mal sharýashylyǵy baǵytynda 6 aýyl sharýashylyǵy óndiristik kooperativiniń quramyna 68 sharýashylyq birikken.
«Saýsaq birikpei, ine ilikpeidi» qaǵidasyn berik ustanǵan 6 aýyl sharýashylyq kooperativteriniń 135 múshesi byltyr 480,8 mln. teńge shaǵyn nesie qarajatyna et-sút baǵytyndaǵy 2497 bas iri qara malyn alsa, aǵymdaǵy jyly osy kooperativke jańadan kirgen 87 múshege 329,5 mln. teńge nesie qarajatymen et-sút baǵytyndaǵy 1652 bas iri qara maly alynǵan. Al, aǵymdaǵy jyldyń 1 sáýirdegi jaǵdaiy boiynsha 10 aýyl sharýashylyq kooperativterdiń alynǵan nesie qarajaty 810,3 mln. teńgeni quraǵan.
Jiynda oblys ákimdiginiń jumyspen qamtýdy úilestirý jáne áleýmettik baǵdarlamalar basqarmasynyń basshysy Jorabek Baýbekov aýyl turǵyndaryn jumyspen qamtamasyz etý boiynsha Memleket basshysy N. Nazarbaevtyń tapsyrmalarynyń oryndalý barysy týraly jan-jaqty baian etti.
Basqarma basshysynyń sózine súiensek, «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasy» aiasynda 2017 jyly barlyǵy 10,4 mlrd. teńge, onyń ishinde respýblikalyq biýdjetten 4,8 mlrd. teńge, jergilikti biýdjetten 5,6 mlrd. teńge bólinip, 12 456 adamdy qamtý josparlanypty.
– Baǵdarlamanyń 1-shi baǵyty aiasynda 2017 jyly barlyǵy 5119 adamdy oqytýǵa 1412,5 mln. teńge bólindi. Sonyń ishinde 770 adamdy kásiptik daiarlaýǵa 152,7 mln. teńge, qysqa merzimdi kásiptik oqytý kýrstarynda 4349 adamdy oqytý úshin 1259,8 mln. teńge qaraldy. Búgingi kúni qysqa merzimdi kásiptik oqýdy uiymdastyrý maqsatynda bilim uiymdary, mamandyqtar jáne árbir mamandyqtarǵa oqytylatyndar sany anyqtalyp, óńirlik komissiiada bekitilýge daiyndaldy, – degen J. Baýbekov baǵdarlamynyń qalǵan eki baǵytyna jan-jaqty toqtaldy.
Basqosý sońynda oblys ákimi birqatar aýdan ákimderinen aýyl sharýashylyǵy kooperatsiialaryn qurý jaiyn surap, bul jumysty áli de shirata túsý qajettigin eskertti. Sondai-aq, aýyl turǵyndaryn jumyspen qamtamasyz etý boiynsha da keshendi sharalardy myqtap qolǵa alýdy tapsyrdy.
Jambyl oblysy ákiminiń baspasó qyzmeti
