Qasym-Jomart Toqaev Ónerkásip jáne qurylys ministri Ersaiyn Naǵaspaevty qabyldady, – dep habarlaidy Dalanews.kz.
Memleket basshysyna ministrliktiń byltyrǵy atqarǵan qyzmetiniń qorytyndysy men aldaǵy kezeńge arnalǵan jospary baiandaldy.
Ersaiyn Naǵaspaevtyń aitýynsha, ótken jyly ónerkásip salasynda negizgi kapitalǵa salynǵan investitsiialar men óńdelgen ónimder eksporty eń joǵary ósim kórsetti. Biyl osy úrdisti saqtap, óndiris kólemin arttyrý josparlanyp otyr.
Prezidentke geologiia jáne tsifrlandyrý baǵyttaryndaǵy jumystar jóninde málimet berildi. Atap aitqanda, Jer qoinaýyn paidalanýdyń biryńǵai platformasy iske qosyldy. Qala qurylysy jobalary tsifrly júiege kóshirildi. Aýyldarda biryńǵai kommýnaldyq tólem jobasyn engizý josparlanyp otyr. Jasandy intellekt kómegimen geologiialyq bilim qoryn jasaqtaý qolǵa alyndy.
Kezdesý sońynda Prezident ministrge ortasha jáne tereń óńdelgen ónim kólemin ulǵaitý, biyl otandyq taýar óndirýshilerdiń biryńǵai reestrin qurý, investor tartý jumystaryn jandandyrý jóninde birqatar tapsyrma berdi. Memleket basshysy josparlanǵan turǵyn úilerdi paidalanýǵa berý, halyqty aýyzsýmen barynsha qamtamasyz etý, qurylys jáne turǵyn úi-kommýnaldyq sharýashylyǵy salalaryndaǵy úderisterdi tsifrlandyrý jumystaryn belsendi júrgizý mańyzdy ekenin atap ótti.
Budan bólek, vedomstvo basshysyna óńdeý ónerkásibi nysandaryn ýaqtyly iske qosý tapsyryldy. Sondai-aq jer qoinaýyn paidalaný salasyndaǵy reformalardy merziminde ári sapaly aiaqtaý mindeti júkteldi.
Qasym-Jomart Toqaev otandyq taýar óndirýshilerdi qoldaý sharalaryn qatań baqylaýǵa alý qajettigin airyqsha atap ótti.
