Zań jobasyna mynadai ózgerister usynylýda.
- Usynylatyn túzetýler:
2014 jylǵy 5 shildedegi Ákimshilik quqyq buzýshylyq týraly kodekske (...) 128-shi bap mynadai redaktsiiada jazylsyn:
"128-bap. Kámeletke tolmaǵan adamdy ákimshilik quqyq buzýshylyqqa tartý.
1. Kámeletke tolmaǵan adamdy ákimshilik quqyq buzýshylyqqa tartý, osy baptyń ekinshi bóliginde kózdelgen áreketterdi qospaǵanda, 50 AEK mólsherinde aiyppul salýǵa ákep soǵady.
2. Kámeletke tolmaǵan adamnyń QR zańnamasyn buza otyryp júzege asyrylatyn jinalystarǵa, mitingterge, sherýlerge, demonstratsiialarǵa jáne ózge túrdegi narazylyq bildirýdiń qoǵamdyq, toptyq nemese jeke múddelik áreketine qatysýy, sondai-aq kámeletke tolmaǵan adamdy qoǵamdyq, toptyq nemese jeke múddelik narazylyq bildirýdiń atalǵan formalarynda paidalaný 100 AEK aiyppulǵa nemese on kúnge deiin ákimshilik qamaýǵa alýǵa ákep soǵady, - delingen qujatta.
Senatorlar "azamattar kámeletke tolmaǵan balalarymen ruqsat etilmegen mitingterge baryp, sol arqyly bala densaýlyǵyn, fizikalyq jáne psihikalyq damýyn buzatyn jaǵdailar kezdesýde", dep atap ótedi.
Soǵan bailanysty kámeletke tolmaǵandardy ruqsat etilmegen mitingterge qatystyrý men paidalaný úshin ákimshilik jaýapkershilik usynýda.
