Senatorlar Joǵarǵy Keneshtegi áriptesterimen kezdesti
Bul eki el depýtattarynyń osyndai sipattaǵy ekinshi kezdesýi. Depýtattar Ikram Adyrbekov, Nurtai Ábiqaev, Muhtar Altynbaev, Serik Jaqsybekov, Liazzat Kiinov, Georgii Kim Qordai jáne Aqjol ótkizý beketteriniń jumystarymen de tanysty. Senatorlar qyrǵyz áriptesterimen kóshi-qon, parlamentaralyq jáne shekaralyq aimaqtardaǵy yntymaqtastyq, saýda-ekonomikalyq áriptestik pen týrizmdi keńeitý máselelerin talqylady. Qazirgi kezde eki eldiń yntymaqtastyq salasy 150-den astam qujattardy qamtityn kelisim shart-quqyqtyq bazasymen bekitilgen. Joǵarǵy Keneshtiń tóraǵasy A.Jeenbekovtiń 2015 jylǵy maýsymda Astanaǵa jumys babyndaǵy sapary aiasynda Qazaqstan Parlamenti men Joǵarǵy Kenesh arasyndaǵy Parlamentaralyq Keńes týraly kelisimge qol qoiylyp, osy Keńestiń otyrysy ótken bolatyn.
– Keńes Qazaqstan men Qyrǵyzstan arasyndaǵy ózara tiimdi ekijaqty bailanysty nyǵaitýǵa, onyń ishinde parlamentaralyq ózara is-qimyldy damytýǵa járdemdesedi dep oilaimyn, – dedi D.Nazarbaeva. Senator sondai-aq ekijaqty negizde de, halyqaralyq jáne aimaqtyq uiymdar aiasynda da ortaq kúsh-jigerdi úilestirýdiń mańyzdylyǵyn atap ótti. «EAEO aiasyna birige otyryp, biz ózara tiimdi yntymaqtastyqtyń jańa deńgeiine shyqtyq. Ekijaqty qatynastardy damytýdyń oń qarqynyn atap ótýge bolady. Bul rette joǵary deńgeide qol jetken barlyq kelisimderdiń iske asýyna qol jetkizý mańyzdy dep sanaimyn»», - dedi Senat komitetiniń tóraǵasy.
Kezdesý barysynda Jambyl oblysynyń ákimi Kárim Kókirekbaev ta sóz alyp, eki eldiń arasyndaǵy negizgi saýda - ekonomikalyq bailanystarǵa jan-jaqty toqtaldy. Sondai-aq, qos el arasyndaǵy birqatar máselelerdi sóz etti.
