Eks-mınıstr Qýandyq Bıshimbaev marqum áıeli Saltanat Núkenovany asa qatygezdikpen óltirgenin moıyndamady, - dep habarlaıdy Dalanews.kz. 

"Maǵan qandaı da bir sóz aıtý qıyn. Meni keshiredi dep te oılamaımyn. Biraq keshirim suraý - meniń adamı paryzym. Bul orny tolmas qaıǵy ekenin jáne oǵan meniń qatysym baryn bilemin. 

Ekinshiden, men kinámdi moıyndamaımyn degen sózimdi túsindire keteıin. Men ádeıi, asa qatygezdikpen óltirdi degen sózben kelispeımin", - deıdi Bıshimbaev. 

Osy sátte Saltanattyń anasy ózin ustaı almaı, ashýlanyp ketti.  

"Asa qatygezdikpen óltirmedim degeniń qalaı? Men óz qyzymnyń túrin durys kóre almadym. Sen ony asa qatygezdikpen urǵansyń. Bulaı aıtýǵa qalaı dátiń bardy? Sen ony birneshe saǵat boıy ótirgensiń. Sen ony 8 saǵat óltirdiń", - dedi Saltanat Núkenovanyń anasy.

Budan keıin Bıshimbaev Saltanatty jaqsy kórgenin, ony asa aýyr qatygezdikpen óltirmegenin aıtty.