Abai oblysynyń ákimi óz sózinde Memleket basshysy ulttyq biregeilikti qalyptastyratyn mańyzdy aspektilerdi qozǵaǵanyn aitty.
«Ótken senbide elimizdiń rýhani astanasy Túrkistanda Ulttyq quryltaidyń II otyrysy ótti. Shekara mańyndaǵy aýdandardyń taǵdyry halyqtyń tolǵandyratyn máseleleriniń birine ainaldy. Osyǵan bailanysty Prezident Abai oblysynyń Maqanshy aýdanyn qalpyna keltirý týraly sheshim qabyldaǵanyn málimdedi. Bul bastama «Halyq únine qulaq asatyn memleket» tujyrymdamasy aiasynda júzege asyrylýda dep senimmen aitýǵa bolady», - dedi Nurlan Uranhaev.
Óz kezeginde QR Parlamenti Májilisiniń depýtaty Nurtai Sabilianov Maqanshy aýdanyn damytý jóninde usynystaryn ortaǵa saldy. Halyq qalaýlysy bilim berý, mádeniet obektilerin salý, kásipkerler úshin sýbsidiialar, shaǵyn jáne orta biznes pen internet kezekti kúttirmeitin máseleler ekenin tilge tiek etti.
Ulttyq quryltaida Prezident - ulttyq brendti, tarihty jáne mádenietti ilgeriletý qajettigin, sonymen qatar mádeni murany jan-jaqty nasihattaýdy kótergen edi. Mundai tásil eldiń oń imidjin nyǵaitýǵa járdemdesýge, syrtqy saiasi bastamalardy iske asyrý jáne álemdegi biznestiń ustanymyn nyǵaitý úshin qolaily jaǵdailar qalyptastyrýǵa múmkindik beretin aita ketken jón.
«Bizdiń dástúrlerimiz, ádet-ǵuryptarymyz, ańyzdarmen tarihymyzdy zamanaýi tehnologiialar arqyly ilgeriletýge bolady. Biz balabaqshalarǵa arnalǵan 3D-oiynshyqtardy ázirleýdemiz. Olar balalardyń usaq motorikasyn damytyp qana qoimai, bizdiń mádenietimizdi úiretedi. Ár oiynshyq ulttyq naqyshta jasalǵan. Sondai-aq, biz animatsiialyq mýltfilmder men mobildi oiyndar shyǵarýǵa daiynbyz. Onda elimizdiń tarihyn tereń berýdi maqsat tutyp otyrmyz», - dedi «Abai IT-Valley» tehnoklasteriniń negizin qalaýshy Ashat Beisembaev.
Alqaly jiynda jastardy tárbieleý, olardyń ózin-ózi tanýy úshin jaǵdai jasaý, salaýatty ómir saltyn nasihattaý taqyryptary da talqylandy.
«Kóptegen mańyzdy aspektiler talqylandy. Eger quryltai týraly aitatyn bolsaq, ol jerde áleýmettanýǵa, áleýmettik tanymǵa nazar aýdarylǵanyn atap ótken jón. Memleket basshysy áleýmettanýǵa kóp qarajat jumsalǵanyn, biraq nátije joq ekenin de aitty. Sondyqtan bolashaqta áleýmettaný ortalyǵy da paida bolýy kerek. Bul bizdiń jastar úshin úlken múmkindik. Abai oblysynda da oǵan qajetti múmkindikter jasalýda», - dedi QR Parlamenti Májilisiniń depýtaty Samat Nurtaza.
Qorytyndylai kele, Abai oblysynyń ákimi Nurlan Uranhaev ár adamnyń óńirdiń damýyna qosqan úlesi erekshe mańyzdy ekenin atap ótip, jiynda aitylǵan usynystar men tilekterdi nazarǵa alynatynyn jetkizdi.
