Semeide politseiler janyp jatqan páterden adamdardy aman alyp shyqty, dep habarlaidy Dalanews.kz.
10 qarashada Semei qalasyndaǵy kópqabatty úidiń úshinshi qabatynda ornalasqan páterdiń balkonynda órt shyqqan. Saldarynan áinekter erip, páter ishine óte bastaǵan sátte oqiǵa ornyna birinshi bolyp patrýldik politsiia qyzmetkerleri jetken.
Órt sóndirý qyzmeti kelgenge deiin tártip saqshylary aýlada turǵan kólikterdi jyljytyp, arnaiy tehnikanyń órt oshaǵyna tez jetýine jaǵdai jasaǵan.
Olar úige júgirip kirip, joǵary qabatqa kóterildi. Politseiler turǵyndardy syrtqa shyǵaryp, jalyndy óz kúshterimen sóndirýge kirisken. Olar der kezinde qabyldaǵan sheshimi men batyl qimylynyń arqasynda órt ári qarai taralýyna jol bermedi.
