Abai oblysynda memleket áskeri qyzmetke shaqyrylýshylardyń meditsinalyq tekserýine 40 million teńgeden astam qarjyny negizsiz tólegeni anyqtaldy. Sot sheshimimen Semei qalasyndaǵy emhana bul qarajatty memlekettik biýdjetke qaitarýǵa mindetteldi, dep habarlaidy Dalanews.kz.
Áskeri prokýratýra júrgizgen tekseris nátijesinde 2023–2024 jyldarǵa arnalǵan memlekettik kelisimsharttar aiasynda myńdaǵan shaqyrylýshynyń meditsinalyq tekserýden ótkeni úshin aqy tólengeni, alaida naqty tekserilgen azamattar sany áldeqaida az bolǵany belgili boldy. Kelisimsharttardyń jalpy somasy 99 million teńgeden asqan.
Emhana ókilderi qujattarda “tehnikalyq qate” ketkenin alǵa tartqanymen, sot bul ýájdi qabyldamady. Olar artyq alynǵan qarjyny negizsiz tabys dep tanydy.
