Abaı oblysynyń ortalyǵy Semeı qalasynda ár senbi saıyn «Severnyı» saýda-logıstıkalyq ortalyǵynda (SLO) aýyl sharýashylyǵy jármeńkeleri turaqty túrde ótedi. Jármeńkelerdiń basty maqsaty - qala turǵyndaryn sapaly ári qoljetimdi azyq-túlikpen qamtamasyz etý.

Qalanyń oń jaǵalaýynda ornalasqan «Severnyı» SLO (mekenjaıy: Severnyı óndiristik toraby, 2) – zamanaýı úlgidegi turaqty saýda alańy. Atalǵan ortalyqpen jasalǵan memorandým aıasynda 24 saýda orny tegin berilip otyr, bul óz kezeginde ónim baǵasynyń tómen bolýyna yqpal etedi.

Jármeńkede áleýmettik mańyzy bar azyq-túlik ónimderi, ıaǵnı et, sút ónimderi, kókónister, naýbaıhana buıymdary men jarmalar usynyldy. Baǵalar naryqtaǵy baǵadan tómen:
sıyr eti - 3500 tg/kg
taýyq eti - 1500 tg/kg
birinshi sortty un - 180 tg/kg
nan - 150 tg
kúnbaǵys maıy («Zarechnoe») — 850 tg/l
sary maı («Borodýlıha aýdany») - 2800 tg/kg
kartop - 180 tg/kg
sábiz - 200 tg/kg
pıaz - 170 tg/kg
oramjapyraq - 190 tg/kg
qant - 490 tg/kg
jumyrtqa - 580 tg/ondyq
qaraqumyq - 250 tg/kg

Búgingi jármeńkede 19,5 tonna sıyr eti, 1000 kg kartop, 1000 kg pıaz, 250 kg sábiz, 250 kg oramjapyraq satylyp, halyqqa usynyldy.

Bul kólem turǵyndardyń jármeńkege degen suranysynyń joǵary ekenin kórsetedi. Semeılikter qoljetimdi baǵa men ónim sapasyn oń baǵalaýda.
Qazirgi tańda Abaı oblysy ákimdigi qyrkúıek-jeltoqsan aılaryna arnalǵan qosymsha aýyl sharýashylyǵy jármeńkeleriniń kestesin ázirleýde. Bul kúz-qys mezgilinde de turǵyndardy úzdiksiz ári qoljetimdi azyq-túlikpen qamtamasyz etýge múmkindik beredi.

Semeıdegi aýyl sharýashylyǵy jármeńkeleri - bul jaı ǵana saýda emes, halyqtyń áleýmettik qoldaý tetigi.