Qazaqstannyń ár aimaǵynda ashylǵan aýtizm ortalyqtary 9 jyl ishinde 16 myńǵa jýyq aýtistik spektrdiń aýytqýlary bar (ASA) balalar erte aralasýdyń alty baǵdarlamasy boiynsha tegin bilim aldy.
Jańa ortalyq jylyna 300 balany qamtýǵa múmkindik beredi jáne balalarmen jumys isteýge 15 maman tartylady. Sabaqtar aýtizm standarttaryna sáikes «Aýtizm. Barshamyzǵa bir álem» 6 interventsiia baǵdarlama aiasynda ótkiziledi.
Qazirdiń ózinde 7 kabinet jihaz, qural-jabdyqpen jáne oqý-ádistemelik quralmen tolyq jabdyqtalǵan. Ár balamen jumystyń bir tsikli 3 aiǵa sozylady jáne diagnostikalyq nátijeler negizinde jeke tańdalady. Ortalyqqa tirkelý úshin tirkeýdi rastaý jáne psihologiialyq-meditsinalyq-pedagogikalyq keńestiń (PMPK) qorytyndysy qajet.
Bolat Ótemuratov Qory tiimdiligi dáleldengen erte anyqtaý men minez-qulyqty túzetýge kómektesetin zamanaýi tehnologiialar men tájiribelerdi keńinen paidalanyp keledi.
Qor Kaliforniia ýniversitetindegi Kasari zerthanasy, Atlantadaǵy Markýs aýtizm ortalyǵy jáne Autism Speaks halyqaralyq uiymy siiaqty tanymal kásibi mekemelermen seriktestikti jalǵastyrýda.
Abai oblysynyń ákimi Nurlan Uranhaev Semeide aýtizm ortalyǵynyń aýtistik spektrdiń aýytqýlary bar balalardyń damýy úshin qoǵamǵa qoljetimdi orta qurýdaǵy mańyzdy qadam ekenin atap ótti.
Sondai-aq ol mańyzdy jobalardy júzege asyrýda únemi qoldaý kórsetip kele jatqan Bolat Ótemuratov Qoryna alǵysyn bildirdi.
Keshe Bolat Ótemuratov áleýmettik jobalardyń asyrylýyna zor úlesin qosqany úshin «Jyl metsenaty» marapatyna ie boldy.
