Abaı oblysy Besqaraǵaı aýdanynda 260 myńnan astam kóshettiń urlanǵany anyqtaldy, dep habarlaıdy Dalanews.kz.
Abaı oblysy prokýratýrasynyń úılestirýimen Besqaraǵaı aýdany aýmaǵynda Abaı oblysy PD uıymdasqan qylmysqa qarsy kúres basqarmasynyń qyzmetkerlerimen jedel-izdestirý is-sharasy júrgizildi.
Nátıjesinde «Semeı ormany» RMM Dolon fılıalynyń aýmaǵynan jalpy somasy 519 861 516 teńgege baǵalanǵan 264 426 kóshettiń jasyryn urlanǵany anyqtaldy.
Atalǵan fakti boıynsha asa iri kólemdegi urlyqqa qatysy bar oblys turǵyndaryna qatysty sotqa deıingi tergep-tekserý amaldary júrgizildi.
2025 jylǵy 21 mamyrda Kýrchatov qalasynyń soty úkim shyǵaryp, kúdiktilerdiń kinási dáleldenip, olar múlkin tárkileýsiz 5 jyl merzimge bas bostandyǵynan aıyryldy.
