Abai oblysyndaǵy "Semei ormany" tabiǵi rezervatynyń aýmaǵy taǵy da órtenip jatyr, dep habarlaidy Dalanews.kz.
Bul týraly Ekologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz qyzmeti málimdedi.
"Aldyn ala aqparat. Abai oblysy. 26 sáýir 13.21-de aqparat kelip tústi: Borodýliha aýdany, "Semei Ormany" memlekettik orman tabiǵi rezervatynyń Borodýliha filialy, Borodýliha aýylynan 15 shaqyrym jerde (Dmitrievskoe ormanshylyǵy, 148-oram) orman ósimdikteri (qaraǵai) órtenip jatyr. Adam aiaǵy jetýi qiyn sýly-batpaqty jerler", – delingen juma kúngi habarlamada.
Komitet habarlaǵandai, "Semei Ormany" rezervaty órt sóndirip jatyr.
"Oqiǵa ornyna orman sharýashylyǵynyń 11 qyzmetkeri men jeti tehnika, tótenshe jaǵdailar departamenti jeke quramynyń alty adamy men eki tehnika jiberildi", – delingen habarlamada.
