Abai oblysynyń qylmystyq ister jónindegi mamandandyrylǵan aýdanaralyq soty jańa týǵan sábiiniń ólimine qatysty burynǵy politsiia qyzmetkerlerine úkim shyǵardy, dep habarlaidy dalanews.kz.
Is materialdaryna sáikes, áiel júktiligin jasyryp, balany úide bosanǵan. Tergeý málimetinshe, sábi tiri týǵan. Keiin ony qoqys konteinerine tastaǵan. Náreste sol jerde tońyp qaitys bolǵan.
26 jastaǵy balanyń ákesi Qazaqstan Respýblikasy Qylmystyq kodeksiniń 99-baby 3-bóligi boiynsha kináli dep tanylyp, tótenshe qaýipsizdik mekemesinde ómir boiyna bas bostandyǵynan aiyrý jazasyna kesildi. Al 21 jastaǵy anasyna eki jylǵa bas bostandyǵynan aiyrý jazasy taǵaiyndalǵan. Alaida ol raqymshylyqqa bailanysty jazany óteýden bosatyldy.
Buryn erli-zaiyptynyń ekeýi de ishki ister organdarynda qyzmet etken. Sot olardy arnaiy politsiia ataqtarynan da aiyrdy.
