Semeide bútin bir otbasy qurylys alańynan tabylǵan adam súiegine jan-jaqty saraptama jasaýdy talap etti, dep habarlaidy dalanews.kz "KTK" telearnasyna siltep.
Aidyn Núridenuly segiz jyl buryn iz-tússiz joǵalyp ketken. Qyzynyń aitýynsha, ákesi adam qańqasy tabylǵan "Pishevik" stadionynda kúzetshi bolyp qyzmet atqarǵan. Bir kúni kezekshilikten úiine oralmaǵan.
Endi bala-shaǵasy tabylǵan súiektiń biri ákesine tiesili bolýy múmkin dep kúdiktenip otyr. Degenmen olardyń bul boljamy ázirge rastalǵan joq.
Óitkeni politsiia qyzmetkerleri sot-meditsinalyq saraptama sheshimin kútip otyr. Olar súiek qai ýaqytta jerlengenin jáne týystyq qatynas bar-joǵyn anyqtaitynyn alǵa tartty. Sonymen qatar, qurylys jumysy ýaqytsha toqtatylǵan jer teliminen eski zirat anyqtalmaǵan.
"Sol jerden súiek tabyldy degennen keiin kúdik boldy. Saraptamany tosamyz, bir-eki aida habarlasyńyzdar dep aitty", - dedi Merýert Núridenova.
