Cheh gimnasty Natali Stichova Germaniiadaǵy Tegelberg taýynda sýretke túsý kezinde qaitys boldy, dep habarlaidy Dalanews.kz.
15 tamyzda Natali eki dosymen jáne Devid esimdi jigitimen birge Germaniiadaǵy Tegelberg taýyna kóterilgen.
DailyMail portalynyń habarlaýynsha, boijetken ataqty Bavariialyq Noishvanshtain saraiynyń aldynda sýretke túspek bolǵan. Alaida shetinen qulap, tómen qarai ushyp ketken. Ol alǵan jaraqattaryna bailanysty aýrýhanaǵa tústi.
21 tamyzda Natalidiń otbasy miynyń qatty zaqymdalýyna bailanysty ony ómirlik kómek kórsetý quralynan ajyratty.
Sportshy ainalysqan “Sokol Pribram” sporttyq gimnastika klýbynyń resmi paraqshasy Natalidiń týystary men jaqyndaryna kóńil aityp, jazba jariialady.
“Keremet dosymyz, gimnast ári jattyqtyrýshy Natali Stichova qaiǵyly oqiǵadan keiin bizdi máńgilikke tastap ketkenin qaiǵyryp habarlaimyz. Ol 21 tamyzda tańǵy 5:30-da kóz jumdy. Óziniń qysqa ǵumyrynda ol únemi kúlip júretin. Bizdiń esimizde de dál osy kúiinde máńgige este qalady. Marqumnyń otbasyna jáne jaqyn týystaryna qaiǵyryp kóńil aitamyz.
Natalidi eske alý úshin gimnaziiaǵa kelip, shyraq jaǵýǵa bolady”, - dep jazdy klýb.
Sondai-aq Natalidiń óz elinde tanymal sport juldyzy bolǵany jáne jaqynda jas sportshylardy ózi jattyqtyra bastaǵany aityldy.
