Munda ósirilgen qulpynaidyń sorty «Viktoriia» dep atalady. Iri bolǵanymen, salmaǵy jeńil keledi. Sondyqtan úlken sheleginiń ózi 9 keli tartady. Bir kelisiniń baǵasy – 350 teńge. Aita keteiik, qulpynaidan 1 aida 1 ret ónimin alynsa, ony 3 kúnde 1 ret sýǵaryp otyrý qajet. Sondyqtan egistik alqabynda aǵyn sý úzilmeýi tiis.
Qulpynai egýmen 17 jyldan beri úzbei ainalysyp kele jatqan Shavkat Ahmatqululy ózine tiesili 2 gektar aýyl sharýashylyǵy jeriniń kútimine basa mán bergen.
– Ónimdi mol alý úshin biz alqaptyń topyraǵyn qunarlandyrýǵa úlken kóńil bólemiz. Qulpynaidy ylǵaldy topyraqta egip, aǵyn sýdan taryqtyrmaimyz. Topyraqtyń ylǵaldylyǵyn saqtaý úshin shirindi kóń tógiledi, – deidi Shavkat Hakimbaev.
Mundaǵy ár atyzdyń uzyndyǵy 75 metr. Solardyń árqaisysy 1 avtokólik shirindi kóń arqyly qunarlandyrylǵan. Qulpynaidyń ereksheligi, ony otyrǵyzǵan topyraqty 5 jylǵa deiin qozǵamaidy eken. Sonymen qatar, tamyryn bir qatyryp, bir bosatyp otyrǵasyn, qulpynaidyń beretin ónimi de óte usaq bolady.
Búginde Sairam aýdanyna qarasty Mankent aýyldyq okrýginde 1200 sharýa qojalyǵy jumys isteidi. Olardyń egistik alqabyndaǵy qulpynai jemisiniń kólemi 100 gektarǵa jýyqtaidy.
OQO ákiminiń baspasóz qyzmeti
