Onyń biri Aqýskent aýylyndaǵy memlekettik jekemenshik aiasynda qaita qurylǵan 200 oryndyq balabaqsha. Bóbekjai zamanaýi qural-jabdyqtarmen qamtylǵan. Munda ár topqa arnalǵan oiyn alańshalary, jas órenderdiń tárbie alýyna jáne olardyń boiyna bilimniń alǵashqy negizin qalaýǵa qajetti jaǵdaidyń barlyǵy jasalǵan.
– Sizderdi Astana kúnimen shyn júrekten quttyqtaimyn! Búgingi tańda eldiń tóri – elordamyz barsha ult pen ulystyń basyn qosqan birlik mekenine ainaldy. Astana – qaryshtap damyǵan memlekettiń nyshany, áleýmettik-ekonomikalyq ósip-órkendeýdiń aiqyn dáleli. Aitýly dataǵa orai, jer-jerlerde is-sharalar ótkizilip, áleýmettik mańyzy zor nysandar ashylyp, eldiń igligine tapsyrylyp jatyr. Búgin sansyz babtar mekeni Sairam aýdanynyń ortalyǵynda memlekettik- jekemenshik áriptestik aiasynda qaita qurylǵan 200 oryndyq balabaqshany ashyp otyrmyz. Bul nysannyń qurylysy nebári 8 aiǵa sozylyp, búgin mine, barlyq jaǵdaiy jasalǵan kúiinde tapsyrylyp otyr. Bul memlekettik-jekemenshik áriptestik sheńberinde salynǵan úshinshi balabaqsha. Al, jalpy aýdanda 80-nen astam balabaqsha bar, – dedi J.Túimebaev.
Budan bólek, Aqsýkent-2 aýylyndaǵy №3 Sairam aýdandyq balalar men jasóspirimder sport mektebiniń qaita qurylymdaýdan ótken sport zaly, jabyq fýtbol alańy men ákimshilik ǵimaraty paidalanýǵa berildi.
Sport mektebiniń tynys-tirshiligimen tanysqan oblys ákimi barsha sportshylardy mereili merekemen quttyqtap, atalǵan mektepten eldiń abyroiyn álemdik arenalarda asqaqtatyp, kók týymyzdy biikten jelbiretetin myqty sportshylar tárbielenip shyǵa bersin degen izgi tilegin bildirdi.
Osy kúni Aqsý aýylynda ornalasqan «Gas Standart System» JShS-niń» suiyq gaz saqtaityn jáne satatyn kesheni iske qosyldy. Munda suiyq gazdyń syiymdylyǵy 650 tekshe metr bolatyn 13 rezervýar jerge kómilgen. Bul óz kezeginde ekologiiaǵa ziian keltirmeidi jáne baǵasy jaǵynan benzinmen salystyrǵanda 2,5 ese arzan.
Mine, osyny utymdy paidalana bilgen kásipker jyldyq qýattylyǵy 15 myń tonna bolatyn keshendi qazirgi zaman talabyna sai etip, 30 adamdy jumyspen qamti otyryp ashyp otyr.
Túrkistan oblysy ákiminiń baspasóz qyzmeti
