Úlgili áke ul bala týyp bermegeni úshin áıelin sókpeıtinin aıtty.
«Mıyn ashytpaımyn. Allanyń bergeni ǵoı. Baqytty qyzdan kóremiz be, uldan kóremiz be, bir Allaǵa aıan. Qyz, árıne, baýyrmal. «Qyzdyń jamany bir sháýgim shaıǵa tatıdy» degen sóz bar», – dedi Medeýov Astana telearnasynyń «Syrlasý» baǵdarlamasyna bergen suhbatynda.
Alaıda ózi sókpese de, alǵashqy áıeli ul tappaǵany úshin ekinshi ret úılenýge bel býatyn azamattarǵa da túsinistikpen qaraý kerek ekenin málim etti.
«Er adam balaǵa bola ekinshi ret úılenýi múmkin. Árkimniń ártúrli armany bar. Mysalǵa, men bolmaıtyn temir tulpardy da jaqsy kórip turmyn ǵoı. Sol sıaqty bireý uldy, bireý qyzdy jaqsy kóredi. Ol úshin eshkimge kiná taǵýǵa da bolmaıdy. «Nege birinshi áıelim qyz týady dep ekinshi áıel aldyń?» deýge de bolmas. Ol ekinshi áıeldiń de ul tabar-tappasyn bir Alla biledi», – dedi ánshi.
Saıat Medeýov ekinshi áıel alý máselesine qarsy turmaý kerektigin, onsyz da qarakóz qyzdardyń shetel asyp, ózge ult azamattarynyń etegin ustap ketip jatqanyn sóz etti.
«Biraq qazirgi zamanda sol dúnıege qarsy kelmeýimiz kerek dep oılaımyn. Alǵan da durys shyǵar. Múmkin alǵan adam ony baqytty qylatyn shyǵar, jaǵdaıyn jasap beretin shyǵar. Nege biz oǵan qarsy shyǵýymyz kerek? Qoldaýymyz kerek. Óıtkeni onsyz da qazaǵymyzdyń sany az, onsyz da qazaǵymyzdyń qyzdary shetelge kúıeýge ketip jatyr», – deıdi ol.
Derekkózi: stan.kz
