Keiinge ýaqytta áleýmettik jelilerde stýdent atanbaǵan túlekterdi kósheden áskerge kúshtep alyp ketý týraly habar taraǵan edi. Ǵylym jáne joǵary bilim ministri Saiasat Nurbek atalǵan jaǵdaiǵa qatysty óz ustanymyn bildirdi, dep habarlaidy Dalanews.kz.
Ministrdiń aitýynsha, mundai jaǵdai rasymen bolǵan.
"Nazarbaev ýniversitetiniń bir túlegi áskeri komissariat tarapynan shaqyrtylyp, áskerge alyndy. Bul zań talaptaryna sai júzege asty", - dep jaýap berdi ol.
Ol JOO-ǵa qabyldaý kestesiniń Qorǵanys ministrligi bekitken áskeri shaqyrý merzimderimen sáikes kelmeitinin atap ótti. Máselen, Nazarbaev ýniversiteti stýdentterdi qabyldaý týraly buiryqty tek shilde nemese tamyz ailarynda shyǵarady. Osy ýaqyt aralyǵynda azamattyń «stýdent» mártebesi zań júzinde bekitilmegendikten, ásker qataryna shaqyrýǵa quqyq beretin negizder saqtalady.
"Biz bul máseleni sheshý úshin tiisti usynys jasadyq. JOO qabyldaý kestesin áskeri shaqyrý merzimderimen úilestirý qajet ekenin jetkizdik. Bizdiń qoldaýymyzben Nazarbaev ýniversiteti erteńinde-aq stýdentti qabyldaý týraly buiryqty shyǵaryp, onyń mártebesin naqtylady", - dedi ol.
