Aýdandy buǵan deiin basqarǵan Ǵalymjan Úsenbaev óz ótinishi negizinde jumysynan bosatyldy. Aimaq basshysy aýdannyń damýyna óz úlesin qosqan Ǵalymjan Úsenbaevqa alǵys bildirip, jańa bastamalaryna sáttilik tiledi.
Túrkistan oblysy ákimi Darhan Satybaldy aýdan aktivine jańa ákimdi tanystyryp, aldaǵy maqsat-mindetterin aiqyndap berdi.
Jańadan taǵaiyndalǵan aýdan ákimine basty nazar aýdaryp, atqarýdy qajet etetin máselelerdi sheshýdi mindettedi.
Prezident Qasym-Jomart Toqaev aiqyndap bergen baǵytta halyqpen tyǵyz bailanysta jumys isteýdi, aýdanda jańa óndiris oryndaryn ashyp, turǵyndardy jumyspen qamtamasyz etý, aýyl sharýashylyǵyna investitsiialar men ozyq tehnologiialar tartyp, óndiriletin ónim kólemin arttyrý boiynsha jumystardy júrgizýdi júktedi.
– Jańa basshyǵa mańyzdy mindetter júktelip otyr. Alda atqarylar ister kóp. Ákimder halyqpen tyǵyz jumys isteýi kerek. Jańa óndiris oryndaryn ashýdy, aýdan turǵyndaryn jumyspen qamtýdy qajet. Aýyldy damytý, tazalyqty saqtaý, aýmaqtaǵy abattandyrý, kógaldandyrýǵa kúsh salý kerek. Taǵaiyndalǵan ákim Memleket basshysynyń ádiletti Qazaqstandy damytýdaǵy jańa bastamalary men tapsyrmalaryn buljytpai oryndap, ózderińizben birge týǵan jerdi odan ári damytýǵa aianbai jumys isteitinine senemin, – dedi Darhan Satybaldy.
Maqsat Tańǵatarov 1981 jyly Túrkistan qalasynda dúniege kelgen. Qoja Ahmet Iasaýi atyndaǵy halyqaralyq qazaq-túrik ýniversitetiniń túlegi. «Ekonomika» jáne «quqyqtaný» mamandyqtaryn meńgergen. Eńbek jolyn 2003 jyly Túrkistan qalalyq bilim bóliminde esepshi bolyp bastaǵan. 2012-2017 jyldary Túrkistan qalalyq ákimdiginiń ekonomika jáne qarjy bóliminiń basshysy bolǵan.
2017-2019 jyldary Túrkistan qalasy ákiminiń orynbasary qyzmetin atqarǵan. 2019-2021 jyldar aralyǵynda Túrkistan qalasy ákimdiginiń týrizm bólimi, turǵyn úi-kommýnaldyq sharýashylyq bóliminde basshylyq qyzmetterdi atqarǵan.
2021-2023 jyldary Túrkistan qalalyq Máslihatynyń hatshysy bolǵan. 2023 jyldyń shilde aiynan beri Saýran aýdany ákiminiń orynbasary qyzmetin atqaryp keldi.
Óz kezeginde Maqsat Tańǵatarov senim bildirgen oblys basshysyna alǵysyn bildire otyra, aýdandy damytýda alǵa qoiylǵan mindetterdi oryndaýda bar kúsh - jigerin jumsaitynyn jetkizdi.
