Saýd Arabıasynda qolǵa alynǵan áleýmettik reformaıa mádenıet salasyn da paıdasyn tıgizýde. Qazir el astanasy Er-Rıad qalasynyń kóshelerinen jurt áýezdi áýender jıi estı bastady, – dep habarlaıdy Habar 24 arnasy.

Sonymen qatar eldegi bazarlarda mýzykalyq aspaptardy satý da ósken. Qazir Er-Rıad bazarlarynda mýzykalyq aspap saýdalaıtyn onshaqty dúken jumys istep tur.

Mýzykalyq aspapta oınaǵan el azamattary endi «jazaǵa» tartylaıdy. Qoǵamdaǵy ózgeristerge koróldiktiń taq murageri qolǵa alǵan reformalar sebepshi bolǵany belgili.

Taq murageri júzege asyryp jatqan «2030 strategıasyna» saı memleket ashyq bolýǵa tıis. Mysaly, sońǵy jyldary Saýd Arabıasynda áıelderdiń kólikti aıdaýyna ruqsat berilgeni belgili. – Buryndary halyq aldynda osylaı óner kórsetemiz dep oılamappyz. Men mýzykalyq aspapty ata-anam men aqsaqaldarǵa kórsetpeıtinmin. Óıtkeni mýzyka uıat dúnıe bolyp sanaldy. Biraq qazir salt-dástúr ózgere bastady. Endi adamdardyń aldynda án aıtyp, bı bıleýdiń esh ábestigi joq, qaıta ónerimdi jurt jaqsy baǵalap jatyr, – dep saýdıalyq mýzykat oıyn ortaǵa saldy.