Jyl basynan bastap Sybailas jemqorlyqqa qarsy qyzmet aiaqtalǵan qylmystyq ister sheńberinde shamamen 195 mlrd teńgeni ótedi. Sońǵy 2,5 jylda, onyń ishinde oligopoliialar tarapynan Qazaqstan halqyna 1,09 trln teńge qaitaryldy. Bul jóninde Antikor aqparat taratty, dep habarlaidy Dalanews.kz.
"Buǵan deiin agenttik Qairat Satybaldyuly qaitarǵan jyljymaityn múlik obektilerin memleketke berilgenin habarlaǵan bolatyn. Olardyń ishinde Almatydaǵy quny 7,9 mlrd teńgeden asatyn "Kaisar Tower" biznes-ortalyǵy bar. Ol Qazaq ulttyq qyzdar pedagogikalyq ýniversitetiniń qaramaǵyna berilgen. Sonymen qatar, T. Júrgenov atyndaǵy "Qazaq ulttyq óner akademiiasy" RMM teńgerimine quny 800 mln teńgeden asatyn ákimshilik ǵimarat berildi", – delingen habarlamada.
Sonymen qatar Elordada quny 5 mlrd teńgeden asatyn úsh záýlim sarai múgedek balalarǵa arnalǵan Astana qalasy ákimdiginiń "Psihologiialyq-pedagogikalyq túzetý kabineti" KMM-ne berildi. Bul bilim berý jaǵdailaryn edáýir jaqsartýǵa jáne shyǵarmashylyq bastamalardyń damýyn qoldaýǵa múmkindik beredi.
"Avstriia, Frantsiia, Lihtenshtein, Ámirlikter, Túrkiia, Resei jáne basqa elderden Qazaqstanǵa aqsha, baǵaly qaǵazdar, jyljymaityn múlik jáne zergerlik buiymdar túrindegi aktivter qaitaryldy. Avstriiadan 36,8 mlrd teńge, Lihtenshteinnen 116,7 mlrd teńge, Túrkiiadan 2,2 mlrd teńge, Birikken Arab Ámirlikterinen 6,3 mlrd teńge jáne basqa elderden qaitaryldy", - dedi Antikor.
Zańsyz satyp alynǵan aktivterdi qaitarý boiynsha jumys jalǵasýda.
