Qairat Satybaldyuly boiynsha memleketke taǵy 50 mlrd teńge qaitarý josparlanýda, - dep habarlaidy Dalanews.kz.
Aǵymdaǵy jyly 11 sáýirde Q. Satybaldyulyna qatysty qylmystyq isti qaraý sheńberinde sot (QR QK 218-baby 3-bóliginiń 3-tarmaǵy) prokýrordyń ótinishi boiynsha zańsyz satyp alynǵan aktivterdi qaitarý jónindegi rásimderdi oryndaý qajettiligine bailanysty protsestik kelisim jasasý úshin qosymsha merzim berý týraly sheshim qabyldady.
Atap aitqanda, sottalýshynyń jalpy somasy50 mlrd teńgeden asatyn qosymsha múliktik aktivterin memleket paidasyna qaitarý týraly másele qaralýda.
Buǵan deiin habarlanǵandai, tergeý barysynda Q. Satybaldyuly óz kinásin tolyq moiyndap, qylmystyq jolmen alynǵan múlikti ashýǵa yqpal etken. Sotqa deiingi tergep-tekserý kezeńinde Sybailas jemqorlyqqa qarsy qyzmet sottalýshynyń jáne onymen bailanysty tulǵalardyń jalpy somasy 732 mlrd teńgeden astam múliktik aktivteri men aqshalai qarajatyn memleket paidasyna (ákimshilik ǵimarattar, ekskliýzivti zergerlik buiymdar, liýks úiler, páterler men avtokólikter, kompaniialardaǵy aktsiialar men qatysý úlesteri, temirjol joldary men aqshalai qarajat, sheteldik múlikterimen qosa) qaitarýdy qamtamasyz etti.
Aita keteiik, osy tulǵaǵa qatysty salyq tóleýden jáne biýdjetke tólenetin basqa da mindetti tólemderden jaltarý faktisi boiynsha tergeý jalǵasýda.
Satybaldyuly memleketke taǵy 50 milliard teńge qaitarady
