"Is materialdaryna sáikes, Qaisar Jumaǵaliev 2016 jyly 300 myń dollarǵa balqashtyq kásipker Qýat Sultanbekovti koloniiadan bosatyp beremin dep ýáde bergen. Kásipkerdiń týystary "bul zańsyz árekettiń" artynda aǵaiyndy Nyǵmatýlinder turǵanyn eskertken. Sol kezde Jumaǵaliev Qairat Satybaldymen dos bolǵandyqtan, bul máseleni sheship bere alatynyn aitqan", - delingen habarlamada.
"Aqsha 150 myń dollardan eki transhpen alynýy kerek bolǵan. Advokat aqshanyń jartysyn 2016 jyldyń qazanynda alǵan. Al Joǵarǵy sot kásipkerdi 2023 jyly, iaǵni advokat aqshany alǵannan keiin jeti jyldan soń aqtaǵan. Nátijesinde Jumaǵalievtiń ózi sottalyp, bes jyl alty aiǵa bas bostandyǵynan aiyrylǵan", - delingen habarlamada.
Eske salaiyq, 2022 jyly naýryzda Satybaldyuly shetelge qashyp bara jatqan jerinen ustalǵan bolatyn.
Al qyrkúiekte Astanada soty Qairat Satybaldyulyn alty jylǵa bas bostandyǵynan aiyrýǵa úkim shyǵardy, onyń múlki tárkilendi jáne 10 jyl boiy memlekettik qyzmette jumys isteýge tyiym salyndy. Sot barysynda Satybaldyuly "Qazaqtelekom" jáne "Kólik servis ortalyǵy" kompaniialaryna zalaldy óteý retinde ondaǵan milliard teńge tólegeni málimdeldi. Taraptar mediativtik kelisim jasasty.
2023 jyly jeltoqsanda Qairat Satybaldyuly 55 milliard teńgeden asa aqshany memleketke qaitarǵan bolatyn. Antikor Qairat Satybaldyulyna jáne basqa da adamdarǵa qatysty júrgizilip jatqan tergeý sheńberinde elden zańsyz shyǵarylǵan aktivterdi, onyń ishinde qylmystyq jolmen alynǵan aqshany jáne ózge de múlikti qaitaryp jatqanyn habarlaǵan bolatyn.
