Almaty mańynda jer silkinisin erte eskertetin 98 beket jumys istemek, dep habarlaidy dalanews.kz.
2026 jyldyń aiaǵyna deiin Almaty men onyń ainalasynda jer silkinisin erte eskertetin avtomatty júieniń 98 stantsiiasy jumys istemek. Qazir TJD kezekshiliginde osyndai 28 stantsiia bar. Bul týraly Ulttyq seismologiia baqylaýlar men zertteýler ǵylymi ortalyǵy direktorynyń ǵylym jónindegi orynbasary Erik Álipuly aitty.
Stantsiialar Almatynyń ózinde ǵana emes, qala syrtynda da ornalasqan. Jeli Almaty qalasy men Almaty oblysynyń aýmaǵyn qamtidy. Sonymen qatar, Jambyl oblysynda bir stantsiia jáne Qyrǵyzstan shekarasynda eki stantsiia bar.
"Qazir TJD kezekshiliginde ASRO-nyń 28 stantsiiasy tur. 2025 jyly ortalyǵymyz taǵy 30 stantsiianyń qurylysyn aiaqtady, biyl taǵy 40 stantsiia salyndy. Osylaisha, jyl sońyna deiin Almaty mańynda jer silkinisin erte eskertetin 98 stantsiia jumys isteidi", - dedi ol.
Barlyq stantsiia jer silkinisin erte eskertetin biryńǵai avtomatty júie retinde jumys isteýi kerek.
