Ótken aptada Azattyq Saryaǵash aýdanyndaǵy “Jibek joly” beketinde eki myńǵa jýyq ózbek jáne tájik azamaty turǵanyn habarlaǵan. Olardyń basym bóligi – Qazaqstanda jumys isteitin eńbek migranttary. Olar ótken aidan beri shekaradan óte almai tur. Koronavirýs pandemiiasyna bailanysty naýryzdyń sońynda shekarasyn japqan Ózbekstan kelgen azamattardy 14 kúnge jatqyzatyn karantin ortalyǵynda oryn joq dep, azamattaryn kirgizbegen.
Qalqamanovtyń sózinshe, ótken aptada Ózbekstan tarapy kúnine 200-300 adamnan ótkizip turǵan. Al Saryaǵash aýdanynyń ákimdigi eriktiler men demeýshilerdiń qoldaýymen eline óte almai turǵan azamattardy azyq-túlikpen jáne sýmen qamtamasyz etip otyr. Oblys ákimi orynbasarynyń aitýynsha, jergilikti biliktiń shetel azamattaryn koronavirýsqa tekserý múmkindigi bolmaǵandyqtan, politsiia olardyń “eshqaida ketip qalmaýyn” qadaǵalap tur.
"Ol jerde 20 politsei tártipti saqtap, kúzetip tur. Ázirshe bári baqylaýda" dep keltirdi Qalqamanovtyń sózin Tengrinews.
Áleýmettik jelilerde júzdegen adamnyń jerde jatqany beinelengen sýretter jariialandy. Sipattamada sýrettiń Qazaqstan men Ózbekstan shekarasynda túsirilgeni jazylǵan.
