Túrkistan oblysyndaǵy Saryaǵash aýdanynda korrektsiialyq ortalyq qyzmetkeri daýn sindromy bar balany soqqyǵa jyqqan, dep habarlaidy Dalanews.kz.
Bul jaǵdaiǵa "Ádil kásipodaq" uiymy nazar aýdardy. Uiym málimetinshe, 13 jasar Jaqybai Erkebulan — erekshe kútimdi qajet etetin bala.
"Daýn diagnozy bar búldirshin Saryaǵash qalasyndaǵy "Aqyldy bala" korrektsiialyq ortalyǵyna baryp júrgen. Bul ortalyqtyń direktory — Sabitov Eldos, al sýret páninen sabaq beretin muǵalim — Marlen esimdi azamat. Biraq... Jaqynda sabaq ústinde bolǵan myna jaǵdai beinebaqylaý kamerasyna túsip qalǵan. Muǵalim Marlen Erkebulandy aiaǵynan súirep, jerde jatqyzyp, buryshqa qoiyp, taiaqpen uryp jatyr ma?", delingen jazbada.
Erkebulan sabaqtan alyp ketýge kelgen anasy Jorabekova Gúljaýharǵa «Aǵai meni urdy. Qatty qorqyp kettim, júregim aýyryp jatyr...» dep, jylaǵan.
"Erkebulannyń júregine buǵan deiin eki ret ota jasatqan. Eger sol sátte júregi toqtap qalsa — kim jaýap beredi? Biz myna jaǵdaiǵa únsiz qala almaimyz!", deidi kásipodaq ókilderi.
Bul jaitqa qatysty Túrkistan oblysynyń bilim basqarmasy pikir bildirdi.
"Túrkistan oblysynyń bilim basqarmasy beinematerialda kórsetilgen jaǵdaidy nazarǵa alyp, tiisti zerdeleý jumystaryn júrgizdi. Oqiǵa jekemenshik korrektsiialyq ortalyqta oryn alǵan. Beinematerialdaǵy er adam – muǵalim emes, art-terapevt mamany. Ol ortalyq tarapynan jumystan bosatyldy. Búginde balaǵa qajetti psihologiialyq qoldaý kórsetildi. Qazir balanyń jaǵdaiy jaqsy, turaqty sabaqqa qatysyp júr dep habarlaimyz", delingen jaýapta.
