Elbasy Joldaýyndaǵy mindetterdi oryndaýǵa den qoıǵan memlekettik mekemede qazir 350-den asa qyzmetker jumys isteıdi. Olardyń 30-y ákimshilik, 100-ge jýyǵy dárigerler men medbıkeler. Al 70-ten astamy kishi sanıtarıa qyzmetkerleri men kezekshiler.
Sondaı-aq munda kúndelikti em alýshylarǵa dámdi as ázirleıtin 80-nen asa aspaz da bar. Oǵan ońaltý ortalyǵynyń óziniń baǵbandary men aýla sypyrýshylaryn jáne avtokólik júrgizýshilerin qosyńyz.
Budan bólek shıpajaı aýmaǵyndaǵy barlyq qol kúshin atqaratyn santehnıkter men elektrıkterdiń de eńbegi orasan. Eń tómengi 60 myń teńge jalaqyny alatyndar da negizinen osy mamandarmen aýla sypyrýshylar, baǵbandar jáne kólik júrgizýshileri.
Endi jańa jyldan bastap osy toptaǵy jumysshylardyń aılyqtary 72 myń teńgege kóteriledi. Sonda 2019 jyly shıpajaıdaǵy ortasha jalaqy kólemi 92 myń 900 teńgeni quraıtyn bolady.
Áshirbek Polatov, bas dırektordyń orynbasary:
- Negizinde biz memlekettik mekeme bolǵanymyzben memlekettiń kómegine muqtaj mekeme emespiz. Tabysty ózimiz tabamyz. Sol tabystyń artýy sebebinen qyzmetkerlerdiń jalaqysyn kóterip jatyrmyz.
