Astanada sarbaz analarynyń II respýblikalyq forýmy ótti. Forýmǵa QR Qorǵanys ministrliginiń, Ulttyq ulannyń, basqa da kúsh qurylymdarynyń ókilderi, Parlament depýtattary men qoǵamdyq uiymdardyń músheleri qatysty, – dep habarlaidy Dalanews.kz.
Is-shara barysynda áskeri qyzmetshilerdiń áleýmettik-turmystyq jaǵdailaryn jaqsartý, meditsinalyq qamtamasyz etý, áskeri bilim berý júiesin jetildirý, sondai-aq armiia men áskeri qyzmetshilerdiń jáne áskerge shaqyrylýshylardyń otbasylary arasyndaǵy ózara qatynasty nyǵaitý máseleleri talqylandy.
– Biz áskeri memlekettik qurylymdarmen birlesip, birshama oń nátijelerge jetkizdik. Analar kez-kelgen ýaqytta áskeri bólimge kelip, uldaryn teksere alady, demalys kúnderi sarbazdarmen sóilese alady. Uzaq ýaqyt boiy az-azdan, úzdiksiz jaqsy kórsetkishterge ie boldyq. Birlesken áreket óz jemisi men nátijesin berdi dep sanaimyn, – deidi "Analar júregi" sarbaz analary komitetiniń tóraiymy Liliia Hairýllina.
Forým qorytyndysy boiynsha naqty usynystar daiyndalyp, ýákiletti memlekettik organdarǵa jiberiletin bolady.
