Bılik mańaıyndaǵy telegram arnalar Sanjar Boqaev eski Qazaqstannyń ıtarshysy ekenin jazdy, - dep habarlaıdy Dalanews.kz. 

Bul týraly «Chemodan gossekretov» telegram arnasy jazdy.

«Sanjar Boqaev ózi qurǵan petısıany qarastyrýǵa qaıtadan kelmedi. Keıingi kúnderi ol ózi emes, ýtılalymdy alyp tastaý bastamasynda turǵan adamdar daıyndap bergen qujatty memlekettik organdarǵa jiberýmen ǵana aınalysyp júr. Biz buǵan deıin John Deere tehnıkasyn Qazaqstanǵa tasymaldaýmen aınalysyp júrgen Sergeı Glokke arqyly óziniń múddesin qorǵap júrgen Shókeev týraly jazǵan bolatynbyz. Bizdiń derekkózderimizdiń málimeti boıynsha, bul múddelerdiń artynda taǵy bir adam – Raıymbek Batalov tur.

Bastapqyda Boqaevty Tımýr Jarkenov pen Berik Zaırov qoldaǵan bolatyn. Jarkenov – qazirgi tańda Ulttyq kásipkerler palatasy tóraǵasynyń orynbasary. Zaırov 2021 jyly Batalovtyń ornyna shaǵyn jáne orta bıznesti damytý komıtetin byltyrǵa deıin basqardy. Ol qyzmetinen ketkennen keıin de Boqaevty qoldap júr.

Jalpy Boqaev eski Qazaqstannyń ıtarshysy jáne óziniń qojaıyndary – Nazarbaev pen Sháripbaevtyń múddesin qorǵaýmen aınalysyp júr. Al olar óz kezeginde uzaq ýaqyt boıy onyń negizgi jumys berýshisi jáne demeýshisi bolǵan. 

Olardyń jańa Qazaqstannyń bedelin túsirýge degen oıy aıqyn», - delingen jazbada.