Aidarbek Saparov Memleket basshysy Qasym-Jomart Toqaevtyń Jarlyǵymen 1 jeltoqsannan bastap oblys ákimi bolyp taǵaiyndalǵan-dy. 17 jeltoqsan kúni Aidarbek Saparov Qyzyljar jáne Esil aýdanyna jumys saparmen baryp, jurtshylyqpen júzdesip qaitty.
Sapar barysynda Saparov óndiristik oryndar men áleýmettik mekemelerdi bolyp, olardyń jumysymen tanysty.
– Biz taiaýda ǵana oblystyń biýdjetin bekitip, aýyl-aýdandardyń áleýetin kóterýge basy kóńil bóldik. Aldaǵy ýaqytta Qyzyljar aýdanynda júrip jatqan kúrdeli jóndeý jumystary óz jalǵasyn tabatyn bolady. Tarqatyp aitsaq, Chapaev jáne Peterfeld aýylyndaǵy sýmen qamtý isin jańǵartatyn bolamyz. Sol siiaqty aldaǵy 2023 jyly Iakor, Pribrejnoe aýyldarynda dárigerlik ambýlatorianyń qurylysy bastalsa, Penkov, Nalobino aýyldarynda Mádeniet úilerine jóndeý jumystaryn júrgizemiz, – dedi oblys basshysy.
Aidarbek Saparov Esil aýdanyna jasaǵan jumys saparynda bilim berý, densaýlyq saqtaý jáne aýyldy jerlerdegi infraqurylymdy jańǵyrtý isine airyqsha toqtalǵanyn aita ketýimiz kerek.
– 2023 jyly «Pokrovka - Ilinka – Mektep» tas jolyna júrgizilip jatqan kúrdeli jóndeý jumysyn tolyqtai aiaqtap, Besqudyq aýylana qarai jol salynady. Sonymen qatar Chirikovka, Nikolaevka, Taranǵul jáne Bulaq aýyldarynyń ishindegi joldardy asfalt tóselinetinin aita ketýimiz kerek. A. Igibaeva atyndaǵy internat-mektepke jáne Pokrovka, Nikolaev aýyldaryna dárigerlik ambýlatoriaǵa tolyqtai kúrdeli jóndeý jumystary júrgizetin bolamyz. Al aýdandyq emhanaǵa jańa ÝZI apparaty ornatýdy kózdelýde. Eń bastysy aýdandaǵy dáriger mamandardyń jetispeýshiligin joiýymyz kerek, – dedi Aidarbek Saparov.
