Qazaqstandyq sańyraýlar qoǵamynyń "Shyǵys" korporativtik qorynyń basshysy aqsha jymqyrdy degen kúdikke ilindi, dep habarlaidy Dalanews.kz.
Aqparatqa sáikes, agenttiktiń Shyǵys Qazaqstan oblysy boiynsha departamenti qazaqstandyq sańyraýlar qoǵamynyń "Shyǵys" korporativtik qorynyń basshysyn alaiaqtyq jasaǵany úshin áshkerelegen.
"Ol múgedekterge ymdaý tili mamandary sýrdoaýdarma qyzmetterin kórsetti dep óz kartochkalyq shotyna 115 mln teńge somasynda biýdjet qarajatyn aýdarym jasaý arqyly iemdendi degen kúdikke ilindi", – delingen Antikor habarlamasynda.
Tergeý jalǵasyp jatyr.
Aita keteiik, Antikor buǵan deiin birneshe laýazymdy tulǵany quryqtaǵan edi.
5 qarashada Almaty qalasy Medeý aýdanynyń sotymen "Almaty Bas jospary" JShS Bas direktorynyń orynbasary S.Ómiráliuly sottalǵany belgili boldy.
Antikor málimetinshe, ol alaiaqtyq jasaǵany jáne jergilikti kásipkerdi jer ýchaskesiniń nysanaly maqsatyn ózgertkeni úshin qalalyq jer qatynastary basqarmasynyń laýazymdy adamyna 9,6 mln teńge somasynda para berýge itermelegeni úshin kináli dep tanyldy.
Sonymen qatar Aqmola garnizony Áskeri sotynyń úkimimen QR Tótenshe jaǵdailar ministrliginiń Órtke qarsy qyzmet komitetiniń tóraǵasy N. Derbisov pen Shymkent qalasy Tótenshe jaǵdailar departamentiniń bastyǵy M. Jaqsybaev 5 jylǵa, Jetisý oblysy Tótenshe jaǵdailar departamentiniń bastyǵy B. Izbasarov 9 jylǵa bas bostandyǵynan aiyryldy.
