Memorandým aiasynda «Samuryq-Qazyna» ulttyq ál-aýqat qory 100 jedel járdem kóligin, 1000 ottegi kontsentratyn, 50 ókpeni jasandy jeldetý apparatyn, 1000 pýlsoksimetr jáne 3000 «Avifavir» virýsqa qarsy dárisin satyp alyp, QR Densaýlyq saqtaý ministrligine tapsyrýdy bastady. Kómektiń bul túrleri QR Densaýlyq saqtaý ministrligimen kelisile otyryp, kómektiń tapshylyǵy retinde tańdalyndy.
– Bul sharalardyń barlyǵyn el Prezidenti Toqaev Qasym-Jomart Kemeluly qoldady. Ózderińiz biletindei, jaqynda Elbasymen kezdesý ótip, onda ol Qordyń ishki qorynan Nur-Sultan jáne Almaty qalalarynda eki meditsinalyq ortalyq salýǵa qarajat bólýdi tapsyrdy. Bul ortalyqtar halyqqa meditsinalyq qyzmet kórsetý úshin ǵana emes, sonymen qatar ǵylymi-zertteý áleýetin shoǵyrlandyrýǵa arnalady. Atalǵan jumysty biz bastadyq, qarajatty rezervke saldyq, – dep atap ótti Ahmetjan Esimov.
Sóz sońynda qor basshysy QR Densaýlyq saqtaý ministrliginen meditsina ortalyqtary boiynsha tehnikalyq tapsyrma alýdy tezdetýdi, al atalǵan qalalardyń ákimderinen tiisti kommýnikatsiialary bar jer ýchaskelerin bólýdi surady.
«Avifavir» – klinikalyq synaqtarda tiimdiligin rastaǵan álemdegi koronavirýsqa qarsy eki dáriniń biri. Koronavirýsty emdeýge arnalǵan dárini «Samuryq-Qazyna» qory «Resei tikelei investitsiialar qorynyń Basqarýshy kompaniiasy» AQ-nan satyp aldy.
Ahmetjan Esimov dárini jasaýshy «Resei tikelei investitsiialar qorynyń Basqarýshy kompaniiasy» AQ-men onlain-konferentsiia barysynda onyń basshysy Kirill Dmitrievke osy preparattardy satyp alý múmkindigi úshin alǵys aitty.
