«Salamatty Qazaqstan» áleýmettik jobasy QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń bastamasymen QR Densaýlyq saqtaý ministrligimen, «Samuryq-Qazyna» AQ-men birlesip tabysty iske asyrýda jáne elimizdiń barlyq óńirlerin qamtidy.
Búgin, aǵymdaǵy jyldyń 9 shildesi kúni «Salamatty Qazaqstan» meditsinalyq poiyzy 58 myńnan astam turǵyny bar Bórli aýdanynyń «Qazaqstan» stantsiiasyna keldi.
Poiyz jumysynyń ashylýy barysynda aýdan Bórli aýdany ákimi ákiminiń orynbasary, aýdan ákimi janyndaǵy Áielder isteri jáne otbasylyq-demografiialyq saiasat jónindegi komissiianyń tóraǵasy Altai Toqjanov, meditsinalyq poiyzdyń bas dárigeri Ainur Eginbaeva jáne «Salamatty Qazaqstan» poiyzynyń zańger-mediatory Aishat Ǵabbasova quttyqtaý sóz sóiledi.
– Ult densaýlyǵyn nyǵaitý jáne salaýatty ómir saltyn nasihattaý – memlekettik saiasattyń mańyzdy basym baǵyty jáne Memleket basshysy Q.K. Toqaevtyń turaqty nazarynda, onyń dáleli – oblysymyzdyń shalǵai eldi mekenderine meditsinalyq poiyzdyń kelýi bolyp tabylady. Deni saý ult – myqty jáne básekege qabiletti memlekettiń kepili. Osy mańyzdy jobanyń bastamashylaryna – QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiiasyna biylǵy jyly Bórli aýdanyn «Salamatty Qazaqstan» poiyzynyń baǵytyna qosqany úshin alǵys bildiremiz. Aýdan turǵyndaryna zor densaýlyq, amandyq pen uzaq ǵumyr jáne sapaly meditsinalyq jáne zań kómegin alýlaryna tilektestik bildiremin, – dep atap ótti A.Toqjanov.
Bas dáriger Ainur Eginbaeva poezd jumysynyń reglamentimen, tegin dárigerlik, quqyqtyq, mediativtik kómek kórsetý spektrlerimen jáne mamandardyń sapaly quramymen tanystyrdy.
Is-sharaǵa BQO qoǵamdyq damý basqarmasynyń basshysy, BQO ákimi janyndaǵy Áielder isteri jáne otbasylyq-demografiialyq saiasat jónindegi komissiianyń múshesi Gúljanar Shókeeva jáne oblys ákimi janyndaǵy Áielder isteri jáne otbasylyq-demografiialyq saiasat jónindegi komissiianyń hatshysy Tatiana Rogozina qatysty.
Poiyz mamandary 2 kún ishinde 9.00-den 18.00-ge deiin meditsinalyq jáne zańgerlik qyzmetter kórsetetin bolady.
