Maıǵazıev 15 jyl bala súıe almaǵan kezinde toqal alý máselesi týraly oılanǵanyn ashyq aıtty. Tipti, kúıeýiniń urpaǵyn oılaǵan jary Dınara bul týraly ózi usynys tastaǵan kórinedi.
“Bala súıe almaı júrgen kezde áıelim toqal áperem dep masqara qyldy”, – deıdi Sáken aǵynan jarylyp.
– Kez kelgen adam kópbabaly bolǵysy keledi. Biraq qazir bir-birin durys túsine salatyn zaman emes. Otbasyń qabyldasa da, qoǵam qabyldaı almaıtyn zamanda ómir súrip jatyrmyz. Báıbishesi men toqaly jaqsy túsinisip júrgen shyǵar, olardyń syrtynan ǵaıbattap jatamyz. Eki áıel, úsh áıel, tórt áıeldi bir-birine boıusyndyryp júrgen atqaminerlerdi kórgen kezde qyzyǵamyn, tipti qyzǵanamyn. Biz demografıaǵa qandaı úles qosyp jatyrmyz dep ózime renjımin.
Ol er azamattan góri áıeldiń aqyldylyǵynan. Sen qansha jerden tepse temir úzetin myqty azamat bolsa, áıel aqymaq bolsa bári gáp. Astyńdaǵy tulparyń jaqsy bolsa, bir – baqyt, alǵan jaryń jaqsy bolsa, myń baqyt deıdi. Sol sıaqty sharıǵat boıynsha tórt áıel alsa, tórteýi de jaqsy túsinisip jatsa, ol áıeldiń aqyldylyǵynan”, – deıdi Maıǵazıev.
Budan ózge, “Mýzart” tobynyń ánshisi áriptesi Meırambek Besbaevtyń otbasyna qatysty qupıanyń shetin shyǵardy.
“Mysaly, keshegi Báıdibek babamyz Domalaq anany almaǵanda 40 rýly el taraıtyn ba edi? Qazaqtyń bir ǵana Abaıyn alaıyq. Ózimizdiń Meırambekti alaıyqshy. Meırambektiń ákesi atasynyń ekinshi áıelinen týǵan. Eger de Estaı atamyz Ábiláshim ákemizdiń anasyn ekinshi áıelin almaǵanda, qazaqtyń Meırambegi bolmas edi ǵoı . Mysaly, Seıfýllın Jolbarys aǵamyz da qatelespesem ekinshi ne úshinshi áıelinen taraǵan. Biraq Seıfýllın: “Báıbisheniń barlyq balalarymen aralasamyn. Kerek bolsa aıaqtandyrdym qolymnan kelgenshe, úı alyp berdim. Olar menen eshqandaı qorlyq kórip jatqan joq”, – deıdi. Iaǵnı ol adamnyń sanasyna baılanysty”, – deıdi Maıǵazıev.
Eske sala keteıik, jýyrda ǵana Maıǵazıevtiń tórtinshi ret áke atanýǵa daıyndalyp júrgenin habarlaǵan edik.
