Sáken Maiǵaziev: «Mádeniet ministri bolǵym keledi»
Maiǵaziehttp://stan.kz/v “Kompromat” baǵdarlamasy barysynda telejúrgizýshi Gúlbarshyn Zairovanyń «Joǵarǵy jaqtan buiryq ne usynys tússe, depýtat bolýǵa kelisesiz be?» degen saýalyna:
«Depýtat bolý úshin bilim kerek, ilim kerek, sana kerek. Sol sebepti men daiyn emespin dep oilaimyn. Óner salasynda qyzmet atqaryp júrgennen keiin eger ónerge paidań tiedi dep óner salasyndaǵy qyzmetke shaqyratyn, usynatyn bolsa, oilanar edim», – dep jaýap berdi.
Ánshiniń bul sózin nazarǵa alǵan teleprodiýser Gúlnur Mamassaripova tosynnan «shabýyl» jasady. «Bolashaqta mádeniet ministri bolǵyń kele ma?» dep saýal tastaǵan oǵan Sáken Maiǵaziev oilanbastan: «Bolǵym keledi» dep jaýap berdi. Onyń sebebin bylaisha túsindirdi:
«Ózekti máseleler óte kóp. Eń aldymen, keńesshiler qoǵamyn uiymdastyrǵan bolar edim. Sebebi estradany saralap, saraptaý kerek».
Odan keiin ánshi ustazdyqqa qalai kelgenin áńgimelep berdi.
«Óz basym estrada jáne tsirk kolledjine dáris berýge shaqyrtylǵan kezde men shynynda ustaz bolamyn, bireýdiń daýsyn qoiamyn dep múldem elestetken joqpyn. Shynyn aitqanda meni májbúrledi dep aitýǵa da bolady. Bibigúl Nurǵaliqyzy shaqyryp alyp: «Nege sabaq bermeisiń?» – degen kezde men áli ózimniń de úirenerim kóp ekenin aittym», – dedi ol.
Sol kezde Sákenge renjigen Bibigúl Núsipjanova:
«Bar biletinińdi úiretesiń. Eger sen bas tartsań, Medeý Arynbaev bas tartsa, jastarǵa kim úlgi bolyp, sabaq beredi?» – dep renjigen eken. Maiǵaziev oǵan deiin Erjan Qosbarmaqovtyń tarapynan ustazdyq etýge usynys túsken kezde úzildi-kesildi bas tartqanyn málimdedi.
