Saǵyntaev startap-jobalar qala sharýashylyǵyn tsifrlandyrýǵa baǵyttalatynyn aitty
Baqytjan Saǵyntaevtyń aitýynsha, búgin Smart City Accelerator Almaty startap jobalaryn damytýdyń qarqyndy baǵdarlamasy iske qosyldy.
– Smart City Accelerator Almaty startap-jobalar qarqyndy damytý baǵdarlamasyn iske qostyq. 80-nen astam jobanyń ishinen iriktelip alynǵan 20 joba pilottyq negizde júzege asý múmkindigine ie boldy. Tsifrlyq sheshimder qaladaǵy túrli qyzmet jumysynyń tiimdiligin arttyryp, turǵyndar úshin qalalyq ortanyń jailylyǵyn arttyrý úshin qajet, – dep atap ótti Almaty ákimi.
Alǵashqy bes startap, sonyń ishinde informatika sabaǵyn oqytýǵa arnalǵan onlain-platforma, kommýnaldyq sharýashylyq infraqurylymynyń jai-kúiine avtomatty túrde monitoring júrgizip, shekteýli aýmaqty qoljetimdi etýge septigin tigizbek. Sondai-aq, qurylysshylar úshin geologiialyq derekter bazasyn qurýǵa, jol men jelilerdi jóndeý syndy mańyzdy qalalyq jobalardy tiimdi basqarýǵa múmkindik beretin áleýeti joǵary jobalar bar.
– Qala úshin úlken mańyzǵa ie Smart City-di qurýǵa daiyn AT-komandalar úshin barlyq jaǵdai jasalǵan. Búginde qalada AT-arhitektýrasy daiyn keńse keńistikteri bar. Bul oryndar oqytý treningteri men kýrs júrgizýge, sondai-aq qalalyq qyzmettermen ózara bailanys ornatýǵa taptyrmas dialog alańy ispettes, – dep atap ótti Baqytjan Saǵyntaev.
