Úkimet basshysy Baqytjan Saǵyntaev QR ishki ister mınıstri Qalmuhanbet Qasymovty ýaqytsha tirkeýge baılanysty týǵan dúrligý úshin synǵa aldy.
Bul týraly búgingi Úkimet otyrysynan Tengrinews.kz habarlady.
«Taǵy bir másele — azamattardy ýaqytsha tirkeýdi engizý. Halyqqa qyzmet kórsetý ortalyqtarynda qandaı jaǵdaı bolyp jatqanyn kórip otyrmyz. Málimet az, suraq kóp. Bizdiń memlekettik organdar túsindirgisi keledi, biraq halyq ony qabyldamaı jatyr», — dedi Saǵyntaev.
«Bizde zańǵa qashan qol qoıyldy?», — dep surady Úkimet basshysy Qasymovtan.
«28-jeltoqsanda», — dep jaýap berdi mınıstr. Saǵyntaev zańǵa 22-jeltoqsanda qol qoıylǵanyn aıtyp, onyń sózin túzedi.
«Birinshi ret qashan túsindirdik? Biz Halyqqa qyzmet kórsetý ortalyǵyndaǵylarda dúrligý týǵannan keıin ǵana túsindire bastadyq. Bul normanyń halyqqa qatysty ekenin túsindik, biz 22-jeltoqsanda túsindirý jumystaryn bastap kete alar edik, sonda qazir ortalyqqa kelip jatqan 40 myńnyń 17 myńy ýaqytsha tirkeýge kelip, qalǵandary zańdastyratyn edi. Biraq olar osy kúnderi kelmeı-aq qoısa da bolar edi, solaı ma? Olar tipti 1 jyldyń ishinde asyqpaı kele alar edi, aıtarlyqtaı dúrligý týmas edi. Adamdar ne isterin bilmeı HQKO-larǵa bara bastady», — dedi Úkimet basshysy.
