Aýdannyń eki shaǵyn aýdanynda injenerlik jáne jol infraqurylymy máseleleri tolyq derlik sheshildi. Muztaý shaǵyn aýdanynda elektr jelileri jańartylyp, olar 6-dan 10 kV-qa aýystyryldy. 17 shaqyrym sý qubyry men káriz jelisi tartyldy, oǵan 274 úi qosylady. Beiseýov kóshesin jóndeý men asfalttaý jumystary aiaqtalýǵa jaqyn. Kerei Jánibek Handar dańǵylynan Ile-Alataý ulttyq tabiǵi parkiniń eko-postyna deiingi joldyń uzyndyǵy 4,6 shaqyrymdy quraidy.
Baqytjan Saǵyntaev 14,6 shaqyrymǵa jýyq sýmen jabdyqtaý jáne káriz jelileriniń qurylysy aiaqtalǵannan keiin joldar qalpyna keltirilip jatqan Kólsai shaǵyn aýdanynda boldy.
Elektr jelileri qýatty jelilerge deiin jańartyldy, bul elektrmen jabdyqtaý senimdiligin arttyrdy. 3,7 shaqyrym joldy qalpyna keltirý jumystary júrgizilip jatyr. «Balqash» sý qabyldaǵyshynan Kólsai shaǵyn aýdanyna deiingi magistraldy jeli salý boiynsha joba ázirlenýde. 310 úi ornalasqan 6 kóshege syrtqy jaryqtandyrý júrgizildi.
Esentai ózeniniń boiynda, sý bólgishten bastap, Jamaqaev kóshesine deiin densaýlyqqa arnalǵan jaiaý júrginshi jolyn qurý jalǵasyp jatyr. Onyń uzyndyǵy 4,2 aqyrym.
Munda balalar oiyn jáne sport alańdary, jaiaý júrginshiler kópirleri men qaraý alańdary bolady. Sondai-aq uzyndyǵy 6 km bolatyn sý bólgishten Medeýge deiin jaiaý júrginshiler aimaǵynyń qurylysyn jalǵastyrý jobasy ázirlenýde.
Omarova kóshesinde Dostyq dańǵylynan Kóktóbege deiin jaiaý júrginshiler aimaǵynda jóndeý jumystary júrgizilýde. Sonymen qatar bul jerde joldy ortasha jóndeý jumystary júrgiziletin bolady. Baqytjan Saǵyntaev jol jóndeý jáne abattandyrý boiynsha jumystardyń sapasy men merzimin baqylaýdy tapsyrdy.
