Saǵyntaev koronavirýsty jeńý úshin jurtty vaktsina alýǵa shaqyrdy
«Almaty» TA-daǵy Akimat Live baǵdarlamasynyń tikelei efirinde qala turǵyndarymen apta saiyn bailanysqa shyǵatyn qala ákimi Baqytjan Saǵyntaev qazirgi epidemiologiialyq ahýal týraly aitty. 18 tamyzdaǵy jaǵdai boiynsha megapoliste koronavirýs infektsiianyń 125 530 oqiǵasy tirkeldi, onyń ishinde 104 950 simptomdy jáne 20 580 simptomsyz, 2133 anyqtalmaǵan pnevmoniia jaǵdaiy.
– 1 qyrkúiekten bastap 300 myńǵa jýyq mektep oqýshylary, 68 myń kolledj stýdentteri, 170 myń joǵary oqý oryndarynyń stýdentteri oflain oqýdy bastaidy. Biz balalarymyzdy táýekelge ushyratpaý, olardy aýrýdan qorǵaý, qalada infektsiianyń jańa órshýiniń aldyn alý úshin árkimniń jeke jaýapkershiligi týraly oilanýymyz kerek, – dep atap ótti Baqytjan Saǵyntaev.
17 tamyzda bir táýlikte koronavirýs infektsiiasynyń 1403 jaǵdaiy tirkeldi, onyń ishinde 1319 simptommen jáne 84-i simptomsyz. Anyqtalmaǵan pnevmoniia – 3. Qýattylyǵy 8 910 tósek-oryn bolatyn infektsiialyq statsionarlarda 6 074 naýqas, onyń ishinde 188 bala emdelýde.
Aýrýhanaǵa jatqyzylǵandardyń jalpy sanynyń 235-iniń jaǵdaiy óte aýyr, 2046-sy aýyr, 3793-i ortasha aýyrlyqta. Emdelip shyqqandar – 603, túskenderi – 771. Jansaqtaý bólimderi men intensivti terapiiada 434 jatyr. ÓJJ apparatyna – 65, invazivti emes ÓJJ appratyda – 188, High flow apparatyna 194 naýqas qosylǵan.
Búginde AMSK pen Telemeditsina ortalyǵynyń mobildi toptary úide 13 532 naýqasty baqylaýda, olardyń 543-i simptomsyz, 12 687-si jeńil, 301-i ortasha aýyrlyqta. Statsionardaǵy emdelýshilerdiń jalpy sanynan 1462 naýqas emdelip shyqty ári qarai ambýlatoriialyq jaǵdaida emdeledi jáne oqshaýlanady.
18 tamyzda vaktsinany 823 223 adam aldy, onyń ishinde 5202 politsiia qyzmetkeri, 27 766 muǵalim, 32 395 meditsina qyzmetkeri. Vaktsinalanǵan adamdardyń jalpy sanynan 60 jastan asqandar 108 775 adamdy (13,2%) quraidy. Búginde 648 959 adamǵa eki komponent egildi.
Búginde meditsinalyq uiymdarda, mektepterde, mádeniet jáne sport nysandarynda, bazarlarda jáne qalanyń SOSO 167 vaktsinalaý pýnkti jumys isteidi. Bularda 1038 adamnan turatyn 234 ekpe brigadasy jumys jasaýda. Búginde reseilik «Spýtnik V», qazaqstandyq QazVac jáne qytailyq jańa Vero Cell vaktsinalary salynýda.
