Saǵyntaev Japon elshisimen kezikti
Kezdesý barysynda aǵymdaǵy jaǵdai jáne Qazaqstan men Japoniia arasyndaǵy saýda-ekonomikalyq, mádeni-gýmanitarlyq jáne áskeri-tehnikalyq yntymaqtastyqtyń perspektivaly baǵyttaryn keńeitý máseleleri talqylandy.
2016 jyly eki el arasyndaǵy ózara saýda $1,1 mlrd (eksport – 558,6 mln, import – 552,9 mln) qurady. 2017 jylǵy qańtar-shildede atalǵan kórsetkish $769,1 mln-ǵa (eksport – 565 mln, import – 203,8 mln) jetti. Qazaqstanǵa japon investitsiialarynyń birlesken túsimi sońǵy 10 jylda $6,3 mlrd-tan asty. 2016 jyldyń qorytyndysy boiynsha tikelei investitsiialar $470 mln boldy.
Qazaqstanda japon kapitalynyń qatysýymen 70-ten astam kásiporyn bar, olar munai men gaz, metallýrgiia, qarjy, taý-ken ónerkásibi, avtomobilderdi kóterme satý, elektr bailanys, jabdyqtardyń kóterme saýdasy, aǵash daiyndaý jáne logistika siiaqty salalarda jumys isteidi.
