Astanada bir top qyzdar alaiaqtyq júie uiymdastyryp, tanysý saittary arqyly jábirlenýshilermen tanysyp, qarym-qatynasty jalǵastyrý úshin jalǵa alynǵan páterde kezdesýdi usynǵan, dep habarlaidy Dalanews.kz.
Keiinnen olar Astana qalasynda páterdi jalǵa berý týraly habarlandyrýlar ornalastyryp jáne tartymdy intererdiń fotosýretterin tirkep, aldaǵy ýaqytty birge ótkizý úshin páterdi bir táýlikke jalǵa alýdy usynǵan.
Olardyń áreketteriniń nátijesinde 45-ten astam jábirlenýshi jalpy somasy shamamen 620 myń teńgelik qarajatty jalǵan páter úshin aýdarǵan.
Aqshalai qarajatty iemdengen soń, kináli tulǵalar jábirlenýshilermen hat almasýdy toqtatyp, olardyń nómirlerin buǵattap otyrǵan.
Sot úkimimen olardyń kináni moiyndaýy jáne materialdyq zalaldy óteýi eskerilip, úsh qyzǵa 3 jyldan 3 jyl 6 aiǵa deiingi merzimge bas bostandyǵyn shekteý jazasy taǵaiyndalyp, probatsiialyq baqylaý belgilenip, májbúrli eńbekke tartyldy.
Úkim zańdy kúshine endi.
