QR premer-ministriniń birinshi orynbasary Roman Skliar Batys Qazaqstan oblysynda sý tasqyny saldarynan qalyptasqan jaǵdaimen tanysty, - dep habarlaidy Dalanews.kz.
Jumys sapary barysynda Batys Qazaqstan oblysynyń Terekti, Syrym jáne Qaratóbe aýdandaryndaǵy sý basqan aýmaqtar áýeden baqylanyp, sondai-aq, Oral qalasyndaǵy sý tasqyny saldarynan qalyptasqan ahýal zerdelendi.
Batys Qazaqstan oblysynyń ákimi Nariman Tóreǵaliev Roman Skliarǵa júrgizilip jatqan sharalar jóninde baiandady. Sý tasqyny jaǵdaiy mol túsken jaýyn-shashyn saldarynan kúrdelenip otyr. Tórt aýdan men oblys ortalyǵynda jergilikti masshtabta tabiǵi sipattaǵy tótenshe jaǵdai jariialandy, 874 adam qutqaryldy.
Batys Qazaqstan oblysyndaǵy sý tasqyny zardaptaryn joiý jumystaryna TJD jeke quramynan, jergilikti atqarýshy organdardan, Qorǵanys ministrligi men Ishki ister ministrliginen 1168 adam tartyldy. 306 tehnika men 146 motopompa jumyldyryldy. Sonymen qatar, №99250, №28237 áskeri bólimsheleriniń kúshi men qural-jabdyqtary jáne Mańǵystaý oblysynyń TJD tartyldy. Qosymsha UQK Shekara qyzmetiniń eki «MI-8» tikushaǵy jumys istep jatyr.
Óńirde arnaiy qurylǵan komissiia tabiǵi apattan kelgen shyǵyndy esepteýdi bastady. Roman Skliar barlyq baǵyt boiynsha sý tasqynyna qarsy kúresti kúsheitýdi jáne turǵyndardyń qaýipsizdigin birinshi kezekte qamtamasyz etýdi tapsyrdy. Úkimet tarapynan barlyq qajet kómek kórsetiledi.
