Roman Sklár Aqtóbe oblysy Tamdy aýylynyń tabıǵı apattan zardap shekken turǵyndarymen kezdesti

Jaras Kemeljan 29 naý. 2024 23:19 3965

QR Premer-Mınıstriniń birinshi orynbasary Roman Sklár Aqtóbe oblysyna jumys sapary barysynda Alǵa aýdany Tamdy aýylynda sý tasqynynan qalyptasqan jaǵdaıdy tekserdi. Onda 2 myńnan astam adam turady. Keshe Elek ózeninen kelgen sý dambydan asyp, aýylǵa kirgen.

Roman Sklárǵa qutqarý jumystaryna 50-ge jýyq adam jumyldyrylyp, 80 tonna ınertti materıal daıyndalǵany jóninde baıandaldy. Qazir jaǵdaı qalypty.

Aýlalaryna sý kirgen úılerge kómek kórsetildi. 

Aýyl turǵyndary Roman Sklárǵa keler jyly sý tasqynynyń aldyn alý úshin dambyǵa jóndeý jumystaryn júrgizip, Elek ózeniniń arnasyn tazartý kerektigin aıtyp, kómek surady. 

«Sý tasqynyna baılanysty ahýal Premer-Mınıstrdiń jáne Úkimettiń turaqty baqylaýynda. Barlyq qajetti sharalar qabyldanady. Tabıǵı apattan zardap shekken azamattarǵa jan-jaqty kómek kórsetiledi», — dep atap ótti Roman Sklár.

Elek ózeni boıyndaǵy Tamdydaǵy dambynyń uzyndyǵy 2,6 shaqyrym, bıiktigi 2-2,5 metr. Dambyda 10 shlúz ornalasqan.

Qazir ony jóndeý máselesi sheshilip jatyr.


Usynylǵan
Sońǵy jańalyqtar
TELE2 - BASTYQ1
22 sáý. 2024 18:05
x