Tanymal sport jýrnalisi Aslan Qajenov kókpardan qazaq-qyrǵyz daýyna qatysty pikir bildirdi, - dep habarlaidy Dalanews.kz.
Onyń sózinshe, kókpardan revansh bolmaidy. Qazaqstan 2026 jyly ótetin oiyndarǵa daiyndalady.
"Qyrǵyzstan kókbóri federatsiiasy basshysynyń usynysyn kórdim. Absýrd qoi. Keiin ózimizdiń salaǵa jaýapty mamandarmen sóilestim. Qysqasy, qarasha aiynda revansh bolmaidy. Onyń eshqandai máni joq jáne ony ótkizýge eshqandai negiz de joq. «Oiyn eki halyq arasynda alaýyzdyq týdyrmaýy kerek. Biz halyqtarymyzdyń kelisimi úshin jeke ambitsiialardan bas tartýǵa daiynbyz» - degen pikirdi alǵa tartypty. Endeshe sál tereńirek oilanaiyq. Joq jerden daý shyǵaryp, kók týymyzdy qurmettemeý, ánuranymyzdy tyńdamaý, neni bildiredi? Kimder osyndai qadamǵa bardy? Jeke ambitsiia degen ne? Qazaqtyń jerinde qazaqtyń sportynan utyp, álem aldynda masqara qylyp ketý me? Endeshe, renjimeńiz. Sizderdiń josparyńyz oryndalmaǵanyna bizdiń jigitter kináli emes.
Sizderdiń ǵana kóńilińizge qarap, jeńilip qalýǵa taǵy bolmaidy. Bunda da qalyń el bar. Olardyń da qýanýǵa qaqy bar. Ony nege eskergińiz kelmeidi? Ony nege shetke syryp tastadyńyzdar?
Odan keiin Qazaqstan tarapy finaldan keiin keshkisin dastarhan jaiyp, dialogqa shaqyrdy. Komandadaǵy jigitterdiń biri kelmedi. Eki halyqtyń kelisimi úshin sol kezde nege jeke ambitsiiadan bas tartpadyńyz? Oiyn oiynymen. Biraq, sol kezde-aq dastarhanda otyryp, bir toqtam jasaýǵa bolatyn edi ǵoi. Jaraidy. Bunyń barlyǵy emotsiia.
Revansh bolmaidy. Ony aita berýdiń qajeti de joq dep oilaimyn. Dúniejúzilik kóshpendiler oiyndary aiasyndaǵy kelesi match 2026 jyly ótedi. Soǵan daiyndalamyz..." - dedi jýrnalist.
Eske salaiyq, buǵan deiin dúniejúzilik kóshpendiler oiyndarynda týrnirdiń finalynda Qyrǵyzstan men Qazaqstan quramalarynyń kókparshylary jappai tóbelese jazdaǵan bolatyn. Birinshi taimnyń bitýine 6 minýt qalǵanda 1:3 esebimen Qyrǵyzstan quramasy alǵa shyqqan. Osydan keiin janjal bastalyp ketken. Sportshylar birin-biri qamshymen uryp, keiin politsiia kelip, olardy ajyratqan.
Final ýaqytsha toqtatylyp, qos tarap sabyrǵa kelip, keiin oiyn jalǵasty. Al nátijesinde qazaqstandyq shabandozdar finalda qyrǵyz shabandozdaryn utty. Ekinshi kezeńde Qazaqstan quramasy esepti teńestirip qana qoimai, 4:3 esebimen alǵa ozǵan. Alaida qyrǵyzdar oiyn aiaqtalar tusta salym salyp, nátijeni teńestirip ketti. Qosymsha ýaqyttaǵy saiysta 5:4 esebimen Qazaqstan quramasy jeńiske jetti. Al qyrǵyzstandyq sportshylar marapat aiaqtalǵanyn kútpei, tribýnadan ketip qalǵan.
Artynsha Qyrǵyzstannyń kókpar federatsiiasy qazaqstandyq tarapty taǵy bir sheshýshi oiynǵa shaqyrdy. Qyrǵyzstan tarapy 1 qarashada Ystyq-Kólde Kelisim kýbogyn ótkizýdi usyndy. Qazaqstan tarapyna shaqyrtý haty da jiberilgen.
"1 qarashada kókbóri jáne kókpardy sol qurammen oinaýǵa shaqyramyz. Bul - sport, oiyn eki halyqarasyndaǵy alaýyzdyqty týdyrmaýy kerek. Biz halyqtarymyzdyń kelisimi úshin óz ambitsiialarymyzdan bas tartýǵa daiynbyz. Sýdia basqa elden bolady", - dedi kókbóri federatsiiasynyń basshysy Ramis Djýnýsaliev.
