Astanada respýblıkalyq jastar uıymdarynyń qatysýymen konstıtýsıalyq reformalardy talqylaýǵa jáne olardy qoǵamdyq qoldaýǵa baǵyttalǵan dóńgelek ústel ótti, dep habarlaıdy Dalanews.kz.

Kezdesýdiń negizgi maqsaty – jastar arasynda konstıtýsıalyq reformalardyń máni men mańyzyn túsindirý, jastar uıymdarynyń azamattyq qoǵamdy damytýdaǵy rólin aıqyndaý, sondaı-aq reformalardy qoldaýda ortaq ustanym qalyptastyrý.

İs-sharaǵa Qazaqstan Jastar kongresi, Qazaqstan stýdentter Alánsy, "Jastar Assambleıasy" Respýblıkalyq jastar uıymy, "Qazaqstannyń medısınalyq jastary" QQ, "Jasyl El" jastar eńbek jasaqtarynyń respýblıkalyq shtabynyń ókilderi qatysty.

Jıyn sońynda qatysýshylar atalmysh reformalardy qoldaıtyndaryn bildirip, bul ózgerister eldiń saıası júıesin jańǵyrtýǵa yqpal etetinin atap ótti.