Sailaý ýchaskesinde daýys berý barlyq sanitarlyq talaptarǵa sai, ara qashyqtyqty saqtaý, zalalsyzdandyrý jumystaryn júrgize otyryp, joǵary deńgeide uiymdastyrylatyn bolady. Sonymen qatar, aýdanyń bedeldi azamaty, general – maior, qoǵam qairatkeri Baituqbaev Jaqsylyq Ysqaqulynyń atyna berilgen mektep kabinetin kórip, ystyq estelikterge sholý jasady. Artynsha «Aýyl el besigi» baǵdarlamasy aiasynda 150 oryndyq klýbtyń qurylys – montaj jumystarymen tanysty. Qurylys jumystaryna tapsyrys berýshi «Alakól aýdanynyń qurylys bólimi» MM bolsa, merdiger «Alakól – Asyl qurylys» JShS-gi. Nysannyń jalpy aýmaǵy 1,5 ga bolsa, ǵimarattyń aýdany 8 myń sharshy metrdi quraidy. Asyl qazynaǵa toly kitaphanasy, án, bi úiirmeleri bolatyn aýyl klýbynda qazirgi tańda 4 tehnika jáne 17 adam qyzmet etedi. Qazaqstan Respýblikasy Táýelsizdiginiń 30 jyldyǵymen qatarlas kelgen nysandy aǵymdaǵy jyldyń 16 jeltoqsan kúni qoldanysqa berý josparlanýda. Jol – ekonomikamyzdyń kúre tamyry bolǵandyqtan «Aýyl el besigi» baǵdarlamasy aiasynda I.Jansúgirov, Á. Moldaǵulova, T.Rusqylov, T.Ysqaqov, S.Baituqbaev, Qabanbai batyr, Qasabai batyr kósheleriniń jumysymen tanysyp qaitty.
Qasiet ARSTAN,
Alakól aýdany ákiminiń
baspasóz-hatshysy
